سرودی کاک فوئاد

هه‌نراوه‌ و هه‌ڵبه‌ست : موسلیح شێخ الاسلامی، گه‌ڵاڕێزانی  1358 ی هه‌تاوی

سران بێژ و دانه‌ری ئاهه‌نگ:  به‌ رێز نه‌جمه‌الدین غولامی

کۆڕی سرود: لاوانی شۆڕشگێری شاری سنه‌

موسێقا و موزیک: تیپی مۆسیقای شاری سنه‌

 

  فوئاد ، ڕۆڵه‌ی ئاگر و خوێن ،

تۆوی شۆڕش له‌ هه‌موو سوێن ،

وه‌ستا شێرانه‌ به‌رانبه‌ر،

په‌لامارده‌ر چه‌شنی سه‌نگه‌ر.

گیوارای کورده‌واری بوو،

له‌ هه‌موو شوێن دیاری بوو

.

                                               ده‌مێ یه‌کیه‌تی جووتیاران،

                                               ده‌مێ کۆڕی زه‌حمه‌تکێشان،

                                             ده‌مێ سه‌نگه‌ر ،ده‌مێ مه‌زرا،

                                              کۆڵ هه‌ڵگرتن، له‌ گه‌ل فه‌لا.

کی بێ ، وه‌ک برووسکه‌ وا بێ

کوردستانی،  پێ  ئاوا  بێ،

نه‌ک هه‌ر کوردستان، گشت ئێران ،

هه‌موو تووڕه‌ و تازیه‌ باران،

بۆ فوئادی ، که‌ سه‌نگه‌ره‌

یادی له‌ ، دڵمان ڕابه‌ره‌

.

                                               ده‌مێ یه‌کیه‌تی جووتیاران،

                                               ده‌مێ کۆڕی زه‌حمه‌تکێشان،

                                             ده‌مێ سه‌نگه‌ر ،ده‌مێ مه‌زرا،

                                            کۆڵ هه‌لگرتن  ،له‌ گه‌ڵ فه‌لا.

شۆڕشگیری زه‌حمه‌تکێشان،

 چرای ڕێی ، ده‌روون پڕ ئێشان،

وه‌رن   یاران !     به‌ شینه‌وه‌ ،

ئاوا       بی       لاوێنینه‌وه ،‌

کاک فوئاد ئه‌ی ،شه‌هیدی ژیر!

شۆڕشگیڕی پاک و په‌ی گیر!

                                       ده‌مێ یه‌کیه‌تی جووتیاران،

                                     ده‌مێ کۆڕی زه‌حمه‌تکێشان،

                                     ده‌می سه‌نگه‌ر ،ده‌مێ مه‌زرا ،

                                             کۆڵ هه‌ڵگرتن  ،له‌ گه‌ڵ فه‌لا.       

سه‌رت بێ، جێگات  بگرینه‌وه‌،

سه‌نگه‌ره‌که‌ت، پڕ که‌ینه‌وه‌ ،

به‌ڵام سه‌نگه‌ پڕن ، یاران!

ئه‌ڵیی گوڵن ،له‌ به‌هاران،

شاخ و کێو ، پڕ له‌ پێشمه‌رگه‌ ،

دوژمن نه‌سیبی ، هه‌ر مه‌رگه‌ !

 

                       *****

 

 

 

 

 

 

                   میوانی تۆن !

 بۆ حه‌وت شه‌هیدی بنه‌ماله‌ی مسته‌فا وڵتانی

بۆ گڵکۆی تازه‌ی ماجید و ئه‌مجه‌د !

هه‌نڕاوه‌  و هه‌ڵبه‌ست : موسلیح شێخ الاسلامی     19  04  1360

                        *****

 

به‌ دوو چاوی وه‌ک زرێبار، گه‌رمی گرینه‌،

ده‌شتی شینی مه‌ریوانه‌، سه‌رگه‌رمی شینه‌،

له‌ تاڵه‌ سوار دا، دابه‌زن دوو سواری سوور پۆش،

میوانی تۆن! کاک فوئادی دل گه‌رم و ڕوو خۆش !

میوانی تۆن ! هاتونه‌وه‌ له‌ ته‌وریزه‌وه‌،

میوانی  تۆن ! بیان گره‌ له‌ ئامێزه‌وه‌ ،

له‌ هه‌واڵی هه‌ڤاڵانی ته‌وریز و تاران،

چه‌پک چه‌پک ، گولیان پێ یه‌، پڕ پڕ به‌ دامان ،

بیان دوینه‌ ، با بۆت بلێن سرودی نوێ ،

گه‌ش و ڕوون تر له‌و سروده‌ی که‌ بیستووته‌ دوێ ،

ده‌سته‌ ده‌سته‌ ، لاوانی سه‌ر به‌رز و شۆرشگیڕ،

به‌رانبه‌ر  به‌ جوخه‌ی ئێعدام، به‌ ده‌نگی دلێر،

ئه‌ گۆڕێنن ، ته‌خت و به‌ختی دوژمن ئه‌له‌رزێ،

ئه‌لێن ، دوژمن ! ڕاوه‌ستاوی به‌رانبه‌ر به‌ کێ ؟

به‌رانبه‌ر  ڕنووی قورسی شۆڕش وه‌ستاوی ،

دژی سێڵاوی باوه‌ر و هێرش وه‌ستاوی،

وا  به‌یانه‌ ! بۆیه‌ وایه‌- ئه‌ی سه‌ر لێ شێواو !

ئه‌ستێره‌کان ئه‌توینه‌وه‌  ناو نووری خۆره‌تاو ،

زه‌رده‌ خه‌نه‌ی گزنگی خۆر،له‌ زاری لاوان،

په‌رچه‌می فه‌تحی به‌یانه‌، کاتی تیرباران،

ئه‌ستێره‌کانی گه‌لی کورد، له‌ گه‌ڵ پێشه‌نگان ،

شه‌به‌قی سووری ئاسمانی هیوایان نه‌خشان ،

شه‌هیدانی شۆڕشگیڕمان، پێشه‌نگی خۆرن،

بناغه‌ی بن که‌ن- کراوت به‌ خوێن ئه‌شۆرن !

 

          *****

میوانی تۆن ! ماجید و ئه‌مجه‌د هاتوونه‌وه‌،

با گشتمان دڵخۆشی دایکی شه‌هید ده‌ینه‌وه‌ ،

بڵێن ،ئێوه‌ ن بنه‌ماله‌ی شۆڕش په‌روه‌رده‌ ،

هێشتا کۆستی وه‌ها، نه‌بووه‌ له‌ سه‌ر ئه‌م عه‌رده‌،

مه‌گه‌ر کوشتاری ئه‌ژده‌هاک له‌ رۆله‌ی کاوه‌ ،

ده‌نا، کامه‌ بنه‌ماڵه‌ ، حه‌وت ڕۆله‌ی داوه‌ ؟ ؟

له‌ ڕێی شۆڕشێکی سووردا، قۆچی قوربان بن ،

به‌ خوێنی خۆ ، ئاگر به‌ر ده‌ن له‌ جه‌سته‌ی دوژمن !

 

                   *****

ئه‌ی هه‌ڵپێکراو له‌ بنه‌ ماله‌ی مه‌زنی کرێکاران !

وایه‌ په‌یامی هه‌ڤاڵان ، له‌ دووره‌ شاران،

وه‌ک  چۆن ئێوه‌ ، له‌ ته‌وریزه‌وه‌ تا مه‌ریوان،

به‌ خوێنی خۆ، بست به‌ بستی وڵاتتان نه‌خشان،

کرێکاران بست به‌ بستی جیهانیان نه‌خشان ،

مه‌یدان نی یه‌ ، سوور نه‌ کرابێ ، له‌ خوێنی ئه‌وان !

                  *****

مه‌گری !مه‌گرێ ! دایکی شه‌هید ! گریان گرانه‌،

ڕۆڵه‌کانت سه‌رتۆپ بوون له‌م کوردستانه‌،

حه‌وت خه‌رمانت سێڵاو بردی، حه‌وت خه‌رمانی سوور!

پاش بارانه‌ کوردستانت پڕ ئه‌بێ له‌ نوور ،

گشت ڕۆڵه‌ی تۆن ،لاو چاکانی شۆڕشگێڕی کورد

پێشمه‌رگه‌کان ، دڵ گه‌رم تر ، ده‌ستیان بۆ چه‌ک برد ،

ئه‌یکه‌ن به‌ هێز ، خه‌می قورسی ڕۆله‌کانی تۆ!

به‌ قرمژنی گوله‌ باران ، ڕووناکه‌ ئاسۆ !

© 2023 by Franklin Day School. Proudly created with Wix.com

  • Kak Foad Facebook
  • Foad Mostafa-Sultani youtube