ئۆردوگای کانی میران بەشی ٢
بە رواڵەتێکي ناباوڕانەوە سەیرمي دەکرد و چاوەی بڕیە ناو چاوم وتی " یانی ئەتەوی بلێت ئاگادار نیت ؟ بۆ لە کوی بویت ؟ خۆ هەموو کەس دەزانیت!"
" نا واللە جەواد گیان، ئاگادارنیم، جا لە کوێوە بزانم، من تەواو رۆژ لە تەپوڵکەکەی بەرانبەر پادەگانا بووم، لە سەنگەرا بووم، ئیسە کە ئەهاتم بۆ ئیرە ، گۆیم لە ئاگاداریەکەی شورای شارەوە بوو، کە لە بەلندگوي مزگەوتەوە بەڵاو دەکراەو هاتم بزانم چ بووە؟"
"ئەها! ببورە ! ئاخربەرلە بڵاو بونەوەی بریاري رەسمي شورای شار بۆ کۆچ و چۆل کردن شا؛ تەقریبەن هەموو کەس دەیزانی، هەربۆیە پرسیارەکەی تۆم پێ سەیڕ بوو ! باشە ئەبی من بڕۆم بۆ شارەداری، وەرە پێکەوە بڕۆین، لە ڕێگادا بۆت باس ئەکەم!"
" ئاخر، گەرەکم بوو بڕۆمەوە بۆ ماڵەوە ، لە دوینێوە نەیانم بینێوە ".
"کورە خۆ ئیتر تۆ منداڵ نیت! چ دەکەن، ئەوانیش وەک ئەم هەموو خەڵکە ، حەتم ئیستا خۆیان ئامادە ئەکەن بڕۆن بۆ کانی میران ، بێ بە ماتوورەکەم دەتگەینمە ماڵەوەیش! "
بە سپاسەوە لە پشتیەوە سوار ماتوورەکەی بووم؛ چەک و فیشک لۆخەکەی سەرشانم بڕێک ئەزیتمي دەکرد، ژ٣کە درێژ بوو، لولەکەی چەقیبوو بە بن گۆیم دا، قۆنداخەکەی بە لای ڕانمدا شەکەی دەهات؛ بە ناچارگرتم بە دەستی چەپمەوە و بە دەستی راستم ناو قەدی جەوادم موحکەم گڕت، دەنگی ماتوور بەرز بوو، باش تی نەدەگەیشتم جواد چ دەڵێت، هیندەم زانی دەڵیت: " کاک فۆئاد گەڕاندیەوە کە چەمران بە تووڕیەوە لە کاتی وتوووێژدا لە پڕ مشتی کوتاوە بە سەر مێزەکەدا و وتوویە ! ئێمە نەهاتووین گوی لە داخوازو خواستی ئاژاوە گیران و دژە شۆڕش بگرین ؛ من نەهاتوم بۆ بەزم ، من بۆشەڕ هاتوم. هاتوین بۆ پاک کردنەوەی هەرچي ئاژاوە گێڕو و دژە شۆڕشە !"
" باشە کەس نەبوو جوابي ئەم قۆرمساخە بداتەوە؟"
" با ! بەڵام دەیانتوانی چی بڵێن؟ "
" نازانم ! دەیانتواني بڵێن ئێرە دەکەین بە گۆڕستانیان!"
" نا ! نابێت بە ئەحساس و شەڕەقسە، جوابیان بدریتەوە، دەنا ئەوانیش ئەوەیان دەوێت ! باش بوو کاک فۆئاد نەبزی دانیشتنەکەی بە دەستەوە بوو، دەنا حاجيە دووکاندارەکان، حاجی ئەمین.. و... لێان هەڵ ئەماڵان و بگرە لە گەڵیان دەستەویەخەش دەبوون! ئەزاني چۆنە ! کاک فۆئاد ئەمانە چاک دەناسێت ، ڵە گەڵ زۆربەی ئەم آیت اللە ئانەدا لە زیندان بووە و بیرو مێشکێان دەناسێت و دەزاني چۆن بیر دەکەنەوە، دەیوت ئەمانە دەسەڵات بە دەستەوە بگرن ،خەراپتر لە ساواک و حوکومەتی شان، کاک فۆئاد ئاوا بیر ئەکاتەوە کە دەبێ بە هەر جۆرێک بووە بەر بە شەڕ بگرین و هەر چي زیاتر خەڵک وەشیارو ڕێک خەین و پێان پییشان بەین کە خۆیان دەسەڵات بە دەستەوە بگرن ، دەنا بە شەڕ دوژمنەکانیان دەسەڵات بە دەستەوە دەگرن و خۆیان دادەسپینن و خەڵک دەکەنە کون، کە ئیتر فزەیان دەر نەیەت. دوای ئەویش تۆ پێت وایە بەم چوار تفەنگەوە کە لە شارەوانیمان گرتوە دەتوانین لە گەڵیان شەڕ کەین؟ ئێمە نە دەتوانین و نە دەمانەوي شەڕ کەین، چونکوو شەڕ کوشت و کوشتار و ماڵ وێرانی تێدایە و خەڵک دەلسارد دەکاتەوە ، خمینی و حوکومەتە تازەکەشی ئەوەیان دەوێت کە هەر لە رۆژی هەوڵەوە گورزي خۆیان بوەشینن و بە خەڵک بسلمێنن حکومەت کردن و دەسەڵات بە دەستەوە گرتن کاری هەموو کەسێک نیە، دەس لە پا درێژ نەکەن وملکەچیان بن.
پلانی ئێمە دەبێ ئەوە بێت، پیلانەکەی ئەوان پووچەڵ کەینەوە جا بۆیە ئەگەر ئەم موبارزە مەدەنیەی مەریوان بە باشي و ڕێک و پێکي بەڕێوە بچێت نە تەنیا پیلانی خۆ داسەپاندن و دژی خەڵکي کاربەدەستاني ئیسلامی مان تێک شکاندوە بەڵکو دەبێت بە ئەزموونێکی باش بۆ خەڵکي ناوچەکانی کە، کە دەتوانن بە یەکگرتووی و یەک ڕێزی بەر هەڵست هەر داگیرکەرێک و ملهوڕێک بن."
"باشە جەواد گیان ! پێت وایە، خەڵک ئاوا بە هاسان ماڵو مڵک و دووکان و... خۆیان جێ ئەهیڵن و روو لە ئاوارەی و ..... ئەکەن ؟"
" ئەری ! بە چەن دەلیلی ئاسایی ؛ یەک خەڵک حەز لە شەڕۆ کوشتۆ کوشتار و سوتاندنوو .. ناکەن ؛ دوو ! لەم روژانەدا لە رادیو و رۆژنامەو خەبەری دەماودەمدا بیستویانە کە پاسدار رووی لە هەر کۆی کردوە ، سوتان و قەڵاچۆ کردنی خەڵکی بەدوواوە بووە، وەک نەغەدە و ....سي: خەڵک تامەزرووی ئازادين و گرنگتر لەوانە خەڵکي مەریوان، کاک فوئاد دەناسن و دەزانن هەر شتي زەرەری ئەواني تێدا بێت کاک فۆئاد نایکات و نیشاني داوە ، هەلسووکەوتی لە قازانج و بەرژەوەندی ئەواندایە.
ڵە بەر دەرکەی ماڵەوە لە جەواد خواحافێزیم کڕد و ڕۆیشتمەوە مالەوە. لە کونجي حەساری ماڵەوەدا، چەن زەنبیل و دۆشک و پەتوو و قاڵیەکي چکۆلە بۆ راخستن دانرابوو، دیاربوو ، ئەوانە هەمووی بۆ لە گەل خۆ بردن بۆ کانی میران ئامادە کرابوون . بە ئەسپایی چوومە ماڵەوە؛ دایکمم لە ئاشپزخانەکا بێنێ کە سەرقاڵی کۆکردنەوەی وردە شتوومەکی وەک چەقۆ ، کەوچک ، ئالت و زەردەچێوە و ....خوێە، خەریکبوو لە نێو شیشەهایەکی چکۆلەو دەلقە پلاستیکدا خڕی دەکردوە.
هەستی بە هاتنە ژۆرمی نەکرد ، منیش نازانم بۆ؟ لە بەدفەڕێدابوو،یاکو وەک جاران گاڵتەو وشۆخی بێ جێگە؟ لە پشتیێەوە وەک دیوەزمەیەکي سامناک ڕاوەستام ، جوڵەم لە خۆ بڕێ و بی هەناسەدان سەێری ئیش کردنەکەیم دەکرد ، لەپڕ سام داێگرت وقێژاندی،لە ترسا هەناسەی لێ بڕا، بە گورجی و شەرمەزاریەوە، باوەشم پێدا کرد ولە گەل لەئامێزگرتنی دا پەیتا پەیتا، ئەم وت "مةترسە ! مەترسە منم ! منم ! بەبورە نەم زانی هەستت بە هاتنە ژورەوم نەکرد و داچڵەکایت!، باوڕکە، نەم ویست بت تڕسێنم..." ! دایکی هەژار، رەنگی سپی هەڵگرابوو و ڕومەتی پر بوو لە دڵۆپە ئارەقەی سارد ، کەم کەم لە باوەشمدا ئەهون بووەوە و پچرپچردەیوت " ئەری رۆڵە بۆ وەهات کرد، خۆ زیڕەم کڕد،وام زاني پاسدارى" دەستی بە سنگیەوە گرتبوو و دوایی بە پێکەنینەوە داوای لێ بوردنم دەکرد، ماق مابووپێمدا، تەماشاي چەک و رەختەکەمێ دەکڕد، لە ناکاو وتی:" ئەری ئائەم قالۆرە، ژەنگاویە چیە بە سەرشانتەوە؟ نەکا ڵە سەر ئەو تەپووڵکە بووبێت کە توپ بارانیان ئەکڕد. لە دوینێوە دیارت نیە... لە کوی بووێت! ؟" لە وەڵامدا وتم" یەکەم، ئەمە قالۆرە نێە؛ پاشان ئەی چۆن وا ئەزاني من کەمتر لە رەفیق و دروجیرانەکانێ خۆمانم ، لەم ڕۆژانەدا هەموو کەس ، تەنانەت کچە کانیش خەریک موبارزە و پاراستنی شارن ، پێت وایە من نابێ هیچ کارێک کەم؟، جا بۆ خۆت ئەگەر وەک کوڕی خەڵکی ئەو کارەم نەکردایەت، تەریق نەئەبویتەوە، لە ناو دەروجیرانا ئەوتوانی سەر بەرز راگڕی؟ و... ."
لە رۆخساریا دیاربوو قسەکانمی پێ خۆشە، هەرچەندە نەیدەیویست من پێ بزانم وهەست بە دەڵخۆشیەکی کەم، چاوی لە چاوم دەدزیەوە تاکو بیروهەستی نەخۆینمەوە. هێچی پێ نەما، لە کاتێکدا سەری دەلەقاند بە پتە پت وتێ "ئەزانم ڕۆڵە گیان ! بەڵام جا خۆ تەنیا بە چەک و شەڕکردەن و خۆ بە کوشت دان نیە، ئەتوانی کارێ تر کەێت! ئەگر خۆانەخوازە گولەیەک لێتی دا و کوژرایت ؟ ئیتر شانازێ و قسەێ خەڵکی چ سودێکی بۆ من هەیە؟
بۆ ناتوانی وەک کوڕەکان کا... کا... بە شیوەیەکی کە یارمەتی بیت ؟ تەنیا بە چەک، بەدەستەوە گرتن ئەبێت! ئاخر ڕٶلە گیان تۆ چاوت بە خۆتەوە نیە ! وەلا ئا بەم قایش و قۆرەشەو، فیشکدان و تەنافانەی لە خۆتت هەڵواستوە لە ئەسپ قەرچێ ئەچێت "
تورە بووم ویستم جوابێ بدەمەوە لە ناکاو دەنگی باوکم لە دیوی دانیشتندا هاتە گوێ، کە دەی پرسی " ئەری ئەوە لە گەل کێ قسە ئەکەی؟ وەسائڵەکانت پێچاوە؟، درنگە ، ئیسە .... دەیت!"
ئەری خەریکم ، ئیسە دێم،حسەین! حسەین ، هاتووە تەوە!" روو لە من وتی " بڕۆ بۆ لای باوکت، من زوو ئەمانە ئەپێچمەوە ... سفرەم دا خستووە، بڕۆ لە تەکیانا نان بخۆو ، حەتم برسیتە، ....مامەت بە ماشینەکەی تیت، بمانبا بۆ کانی میران ئەشێ من بە پەلە، ئەشێ ئەم خڕتوپڕتە، بە پێچمەوە ، مەعلوم نیە چیمان بە سەربێت و چەن رۆژ لە شار و ئاوەدانێ دووربین، یاخوا خۆا خراپ کا بۆ هەرچێ خمینێ و جاش و چڵکاوخۆرە، وا ئاوا سەریان لە خەڵک شێواندەوە! دەی بڕۆ بڕۆ، با کەم بەقیژێنێ!.
ڵە بەر دیوی دانیشتنەکا، بۆنی خۆشی سەوزی قاورمەو پەڵاو، بیری لا برێم کە چەک و رەختەکە لە خۆم کەمەوە و جا دانیشم، یەکسەر بە فیشک دان و چەکەوە لە تەنیشت برا چکۆلەکانم لە سەر سفرەی رازاوە بە پەڵاو و خۆرشت و ماستاووە، دانیشتم و بە ئەشتیایەکی زۆرەوە دەستم بە خواردن کڕد، تازە زانێم چەندە برسیمە، لە بەیانیەوە لە تاو هەستی شڵەژاو ی بیر، لەشی ماندو و روداوەکانی یەک لە دواێ یەکی سەنگەرو دیمەنەکانی نێو شار؛ قۆرەی زەکی خاڵیم لە بیر چوبوەوە؛ بە دەم خواردنەوە سەرم هەڵبری و چاوم ڵە باوکم کڕد کە بە دەم تاقمانێکی پرسیارئامێزەوە سەیری ناصر و منصورێ برامی ئەکرد کە دەستێان دەهێنا بە چەک و رەختەکەما و دەیان ویست لە بەر من دەری بهێنن و لە خۆیان ئالێنن ، بە دەنگێکی بەرزو توڕەئامێزەوە پرسیارێ کڕد: " ئەم چەک و تەقەمەنیانت لە کوێ بۆ"؟
بە ئەسپای لە وڵامدا وتم " لە ستاد حەفازەت ! داوام کردو، دایان پێم."
ناوچاوانێ دا بەیەکاو لە کاتێکا دەستی راستی بە تەویلدا دەکێشا و بیری دەکردوە وتی: " باشە براگیان ناکا وتەبێتیان پێت بەم چەکەوە ئەشێ برویتە سەنگەر! ئەزانی چەنە خەتەرناکە! شەڕکردن مناڵ بازارنییە! کوشتن و تێا چونێ بەدواوەیە! ئەگەربتەویت یارمەتی بدەیت ، تەنیا چەک نیە ! تۆ با سەواەی! ئەتوانی لە ناو دەفتەرەکەی کومەلەدا کاری باشتر کەیت! ......"
دە ێوت و دەی وت؛ دەیویست بە هەر جۆریک بووە ، رازیم کات چەکەکە تەحویل بەدەمەوەو، خۆم بە کاری ئاسایی، یارمەتی دانی بێ زەرەروزیانەوە سەرقاڵ کەم؛ ویستم لە ولامی دا بڵێم ، ئەزانم باوکە گیان ! تۆیش وەک هەر باوکێکی دڵسوزی دیکە چی دەڵێت ! جا هەر کەس بە گوێ دایک و باوکی کات و نەچێتە سەنگەرچونکا مەترسی گیانێ هەیە و تەنیا خەرێک ئیعلامیە بڵاوکردنەوە بێت، خۆ جاش و پاسدار، بێ تەقە شار دەگڕن ، خۆم ئامادە کردەبوو ڵە جوابی دا ئاوا دەس بە وڵام دانەوی نەسیحەتەکانى کەم کە هەرکەس دەیەویت خۆی بەزرکات و تەنیا مەرگ بۆ هاوسێ مال باشە نە بۆ خۆم ، زەڕەی زەنگی درکە بەرزەوە بوو، دایکم وتی " ئەوە کا ..... هات !" خەبەری هاتنی مامە .... رزگارمی کڕد، بۆ جواب دانەوەی وتەو نەسیحەتەکان باوکەم، تەنیا بە پەڵە وتم " باشە باوکە گیان ! هەرچی تۆ بڵێت وا ئەکەم "!
مامە.... دوایی چاک و چلونی لە گەڵ هەموومان وتی "ئامادەن برۆین؟ هەموو شتۆمەکەتان پیچاوەتەوە؟" باوکم لە ولامی برا و مامی من وتی " جارێ دانیشە و پیاڵەیەک چا و نان بەخۆ، زووە ، هەتا رۆژ ئەکاتەوە وەختمان هەیە! پەلە مەکە ! دەڕوین "! "سپاس ! نۆش گیانتان ئێمە نانمان خواردوە"
دایکم لە گەڵ دووبارە بەخێر هاتنی ماممدا، دەوری و کەوچک و چەنگالێ خاوێنی لە سەر سفرەکە داناو وتی " دەی فەرموو کاک ... ئیستا برنجی گەرمیش ئەهێنم "
" دەستت خۆش بێت برا ژن! ناتوانم هەر ئێسە ئێمەیش نانمان خوارد. "
لە کاتی تەعارف و جوابدانەوەێ دایکمدا، چاوی بە تفەنگ و فیشک ڵوخەکەی من کەوت و بە پێکەنێنەوە وتی:" ئەها حسەین ! بوویت بە پێشمەرگە ! مبارەکە ! زۆر ڵێت جوانە ! " باوکم سەری بەرزەوە کڕد، ناوچاوانی گرژ و تووڕە بوو، سەری سوڕدا، هەناسەیە کی قۆڵی هەڵکێشاو وبە ناو چاو ترشیەوە، ویستی لە دژی تاریف و پیا هەڵچونەکەی مامۆم، بۆ پێشمەرگە بوونم شتێک بڵێت ، باش بوو پەشیمان بوەوە و هیچێ نەوت؛ بەڵام لە گرژی ناو چاوان و تۆرەیی روخساری دەیان وتەی تاڵ و جنێوئاسا دەخوێنرایەوە.
مامە... بە دزیی باوکمەوە چاوی لێ داگرتم ، منێش بە بەزەوە جوابم دایەوە؛ لە یەکتر باش تێدەگیشتێن، بەینمان خۆش بوو، برا بچوکی باوکم بوو و بە تەمەنیش تەنیا چەند سالێک لە من بە تەمنتڕ بوو، هەربویە زیاتر وەک هاوڕێ و رەفیق، چاوی لە من دەکرد تاکو مام و برازا، منیش وەک هاوڕێ، و تەنیا کەسی نزیک لە نێو بنەمالەماندا بە خۆمم دەزانی.
روو لە مامە.... باوکم پرسی :" ئەرێ .... رویشتوی بۆ ئەو ئوردووگاە کە لە کانی میران دروستی ئەکەن ؟"
"بەڵێ کاکە ڕویشتوم ! لەم چەن خولەکی دوانێوەڕوا، سێ جار بارم بڕدووە ، لە گەڵ چەن ماشینی ترا هەرچی چادور لە ئەنبارەکانێ ئیدارەی ڕێگاوبان و نەخۆشخانەدا بوو، هەروەها عەرزت کەم، تەناف و بزمارو و... خۆلاسە ئەوەی کە بوو و یێمان وا بوو بو چادور لێ دان و ئاسایش خەڵک رەنگە بەکەڵک بێت، راگویست شیوەکەی کانی میرانمان کرد! جاری دووهەم کە بارم ئەبرد ڵە گەڵ نانکەرەئاوکیشەکەی ئیدارەی ڕێگاوبان چووم و لەوێ بینێم کە ئیدارەی ئاور قوژێنەو و نەخۆشخانە بە ئامبولانسەکانیانەوە خەرێکی دامەزراندنی جێگاوڕێگا بۆ خۆیان بوون!."
" بەو حیسابە یانێ ئەوان بەر ڵە خەڵکی لەوێ دامەزراون و ئامادەی خزمەتگوزارین؟!"
لە ولامی باوکم دا مامە ... وتی" بەڵێ بی گومان ! هەر ئەم شەو هەتا خەڵک دەگەنە ئوردووگاکە نە تەنیا ئورگانهای خزمەتگوزاری دامەزراون، بگرە سەدان چادوریش هەڵدراوە و ئامادەی نیشتەجێبونی خەڵکە!
من زیدەتر لە باوکم بە تامەزروە سەرنجم دابووە قسەکانی مامە ....؛ کاک ... مامم، هەستی پێ کرد و بە سۆزێکی گەرمترەوە درێژەی بە قسەکانیدا و وتی" کاکە باور کە بۆ خۆت ئەزانێ من، لە کاری ئیداری و ساختمانی و شتی وا دا کارم کردوە ، هەتا پروژەیەک دەسپێی کەین و بە ئەنجامی بەگەینێن زۆر کاتی دەوێت، بەلام ئەوێ ئەمرو بێنێم و بەوچاوانەی خۆم چاوم پێکەوت، ئەگەرڵە ئێدارەکەمانا و بۆ کاربەدەستانی بالای حکومی بەگەڕێنمەوە باوڕ ناکەن ، لەو ماوە کورتەدا یانی تەنیا ئێمرۆ دوای کوبونەوەکەى شورا لە گەڵ رئیس ئیدارەکان و ئورگانهای مەدەنی کردی و رایان گەیاند بریاریان داوە شار چۆڵ کەن ؛ دەیان و سەدان کەس بۆ یارمەتیدان و جێ بەجێ کردنێ بریارەکەی کاک فۆئاد، دەسبەکاربوون ، راستە لایەنگران کومەلەو سازمانەکان بە جوانێ و ڕێکوپێکی رێکخرابوون و ئەیانزانی چی ئەکەن، بەڵام خەڵکەکە بۆ خۆی .... نازانی چۆن دەستیان دایە کار و بە دڵسۆزیەکی لە رادەبەدەر ....
باوکم قسەکانی بە کا.... بڕی و پرسیاری کرد: " باشە ئێسە تۆ لەو قسانە گەڕێ ! بێژە بزانم، لەو ئەنبارانەدا ئەونە چادورو خێوەت هەبوو؟ کە هەر بنەماڵەیەک چادورێکی بەر کەوێت و هەڵێدا ؟ "
" نەخێر! باوڕناکەم، بەش ناکات، کوڕەکان کومەلە ئەیان وت داوای یارمەتیمان لە شورای شاری سنەیش کردوە، رەنگە ئەوانیش هەر ئیسە بەڕێوە بن. بەڵام کاکە ویستم شتێکی تر بڵێم، بێ قەزابیت! قسە بە پیاو ئەبری! " باوکم بە روخسارێکی پێکەنیناویەوە سەیری ماممی کرد وسەری بۆ دانەواندو چاوی داخست، {یانی ببورە،راست دەکەی، درێژە بە قسەکانت بدە } کا .... سەرێکی بۆ لەقاندو وتی:" ئەری گەرەکم بۆ ئەوە بێژم! هێشتا هیچ نەبووە و خەڵک لە ئوردووگا دانەمەزراون، دەسفروشەکان بە گاری و چەرخە دەستیەکانیانەوە هان لەوی و خەریکەن بە تەختەو و حەلەبی بۆ خۆیان دەکەو و دووکان دروست دەکەن! جا بزانە ئائەم هەلپرستانە! چۆن ڵه هەموو کات و ساتێکا، لە قازانج و کاسپی خۆیان ناگوزەرن." لە ولامی کا.... باوکم وتی " جا قەی چی ئەکات!؟ زۆریش باشە ! خۆ ناکرێت خەڵکی لە نان و ئاو بەبڕین، ئەم کەسانە ئەگەر ئەمرۆ کار نەکەن سبەی هیچیان نیە ! ئەشێ ئەوانیش بە جۆرێک لە قۆتێ ڕۆژانەیان نەبڕین . لە هەر سەریکەوە بیگری بە قازانجە، ئەگەر مەجبوور بین و زۆر ماینەوە، ئەوان ڵە کاسپی رۆژانەیان ناکەون و خەڵکیش شتیکیان پێویست بێ بیکڕن. "
" بەڵێ راست ئەفرموێت ! منداڵە وەردەیش پێان خۆشە بەستەنی فرۆش و شێرینی فرۆش .... بەلام کاکە بە بڕوای تۆ ئەم ئاواریی و ئوردووگا نشینیە چەندە ئەخاینی ؟
باوکم، بە بزەوە وتی" ئیسە جاری هەوا خۆشەو، ڵە ژێر چادورو هەوای ئازادا پیاو دەوام تێریت؛ خۆ ئیشەلا گەرەکەت نیە بێژیت بە تەرو تۆشی و زستانیش لەوێ بین؛ وەک کاک فۆئاد وەتنی ئەمە تەنیا ئێعترازیکە بە مەلهوڕی ئەم بی مێشکانە کە دەیانەویت بە زۆر شارداگیر کەن و دەسەلاتی ڕەشی خۆیان داسپێنن. جا ئەگەر خمینی و راوێژکارەکانی ئەقلێان بێت مەل بە داخوازیەکانی خەڵك ئەدەن و شەبهێکیان بۆ نامینێتەوە کە کورد ئەوانی ناوێت و خۆی دەیەویت حوکمێ خۆی بکات، ئەگەریش بێ عەقڵ بوون کە پێم وایە هەن ئەوا بە تانك و تۆپیانەوە دینە ناو شارو لە گەڵ شارێکی چۆل و هۆڵا رووبەروو ئەبن؛ ڵە هەر حالدا ئێمە زەرەر ناکەین هیچ، ئەوان خۆیانی پێ تڕۆ ئەکەن..."
کا ..... دای بەناو قسەکان باوکم دا و پرسیارئامێز چاوی بڕیبوە ناو چاو باوکم و پرسی " باشە کاکە تۆ بەراس پێت وایە، پادەگان هێرش ئەکاتە ناو شار؟".
" ئەێ چۆن ! ئەری واللە ئەگەر ئێمە نەجۆلێنەوە و کارێک نەکەین، هێرش ئەکەن و تا بۆیان بکرێت زەبریک وا دەوشێنن کە هەتا، هەتایە کەس لە بێری نەچێتەوە و فەزەی دەرنەیت و مەڵ کەچیان بین". باوکم ئاوا لە جوابی مامم دا درێژەی بە قسەکانیدا." جوان گوێم بۆ بگرە .... من عمرێکم تێپەڕ کردوە وا ئەزانم تۆیش نابێ ئەشکەنجە، ئیعدام و زەبروزۆرەکانێ ساواک و شات لە یێر چوبێتەوە، ئەوان چەندە بێ رەحم و نائێنسان بوون، ئەمان سەدقات !. بە ناو هاتبوون بۆ وتوویژ لە گەل ئێمە، ڵە شارەداریدا وەک شوراو نوینەری خەڵك دانیشتووین و خۆمان ئامادە کردوە قسەو خۆاست و داواکاریەکانی خۆمانێان پێ راگەیەنین و گوێ راهێلی بڕیاریان بین؛ من بۆ خۆم پێم وا بوو ئەمانە نوینەر آیتاللە خمینین و خمینی هەتا لە پاریس بوو، ئیدیعاێ حاکمیەتی خەڵکی بە سەر چارەنوسی خۆیانا ئەکرد و .... خولاسە بمان هەوێت و نەمان هەوێت ئەوان بە هاسانێ گوێ لە ئێمە وەرناگرن و هاتبوون شەڕمان پێ راگەیەنن، بە تایبەت رئیس هیئتەکەیان، دوکتورچەمران بۆ کوشت وکوشتار هەموو شتێکی لێ چاوەڕوان ئەکرێت...."
خۆم تەپاندە ناو باسەکەی باوکم و مامم و رو لە هەر دوویان وتم " ئەری منێش بیستومە؛ لە کاتی دانیشتنەکانا، دوکتور چەمران بە مشت کوتاویە بە سەر مێزەکەدا و وتویەتی، { من برای رزم امدەام نە برای بزم} بۆ شەر هاتوم نە بۆ شایی، هاتوم هەرچی دژە شۆڕشە لە بەین بەرم!"
باوکم بە سەرنجێکی پرسیارئامێزەوە بە منا واق بردیەوە و پرسێ ،" کێ بۆتی گەڕانەوە؟... ئەری وا بوو! راستە ! واێ ئەزانی ژنراڵەو بە سەر سەربازەکانیا دائەخۆرێت ! پێم وایە هەر لەو کات و ساتانەدا بوو، یەکێک ڵە هاوڕێکانی ناو هێئەتەکەی خۆمان پرسیارێکی لێم کرد و بە ناو وتی ئەری حاجی ! دوکتور یا ژنرال چەمرانیش بە بیستنی وشەی حاجی، روو لە من ئەکات و بە پرسیارێکی قیزەونانەو ناشیرێنەوە ئەپرسێ ، ها، شما حاجی هستید! مسلمونی ؟ رویشتوی بۆ مالی خوا لە مەکە /کە وا بیت رەنگە هەموو رۆژێک بروێیە مزگەوت و نوێژیش بەکەیت؟ جا براگیان ئابەوەدا بزانە ئەمانە چەندە بێ ئەقل و نەفامن! ئەوان ئێمە بە مۆسلمان نازانن و ئێمەیان پێ گەڵاوە، وا ئەزانن تەنیا شیعە موسڵمانە! گەرەکم بوو جوابی بدەمەوە، کە چی حاجی حەمەقادر بە دەنگی بەرز و تووڕەوە وا قیڕانی بە سەریانا کە دەست وپێ خۆیان ون کڕد و دانیشتنەکەێ شڵەژاند بە یەکا، ئەڵبت پیاو نابێت کەتمان کات ، حاجی حەمەقادر زۆر بەجەرگ و نەتڕسە، خۆزگە بێتوانایت بڕێک بە ئەهونی قسە بکات."
" تۆخوا کاکە حاجی بێ گەڕێنەوە ! حەزئەکم بزانم حەمەقادر چی بەو سەگ بابانە وت؟!" کا ..... بە ئیسرارەوە ئەو پرسیارەی لە باوکم کڕد و تامەزرو بوو بزانێ حاجی قادر چێ وتوە، منێش حەزم ئەکرد بزانم؛ چۆنکوو هێمای سۆر داهەڵگەراوێ ئەوم دەهاتە بەرچا، بە جنێودان کەفیدەچەراند.
کۆتایی بەشی دوەم