ئوردووگای كانی میران بەشی ٧
باوکم ناوچاوی دابەیەکا و سوورەوە بوو، بە تووڕیەو،دەنگێکی بەرز خۆراندنی بەسەر دایکمدا و وتی :" تۆ دەمت بەبەسە مەڵێ! تۆ ڵە سیاسەت تیناگەیت ! لەبەر ئەوسە چۆن بێ شەڕو کوشتوکوشتار داخوازە بەرهەقەکانی خەڵک بە حەکۆمەت بەسڵمنیدرێ، ئەویش لە تەواو شارەکانێ کوردستانا، یەک دەنگ و یەک رێز و هاوکات، ئیسە من هەواڵێک بەلاو کەمەوە و هەر کەسەو، کەسێک ئەناسیت شتەکە بڵاوکاتەوە و، هەرکە لەحەنای خۆیەوە پێ زیاد کات و لێ بچڕیت ، هیچ بەسەر هیچەوە نامێنێت، باشتر ئەوەسە بە رەسمی و فەرمی، بەئاگاداری خەڵک بەگەیەنریت! تێگەیشتی من و جەواد خۆمان پاراست لە شەڕەقسەێ دایک وباوکم و بۆ ئەهوەن کردنەوەێ وەزعەکە خۆمان بە تەقە تەقێ کاسەو کەوچکەوە و راخستنی سفرەی نانخواردنەکەوە سەرقاڵ کرد ، باش بۆ دایکیشم پەرەی بە قسەتاڵەکانی باوکـم نەداو قابڵمەی سیفەزمینەو و هێلکەکانێ هاوردە سەرسفرە. دوای نانخواردن هیشتا سفرەکەمان کۆ نەکردەبوەوە، ژنێکی گەنج و زۆر جوان، بەمندالێکی خەوتوولە باوشدا، هاتە نزیک چادورەکەمان و داوای ڵە دایکـم کرد، ئاگاداری لە مندالەکەی کات، تاکوو لە کوبوونەوەکەی ئۆردووگا دەگەڕیتەوە، سەیر لەوەدا بوو چەندەجوان بوو، بە سووراو سپیاو هێندەی کە خۆی جوان کردبوو، بەڵیباسە جوان و رەنگامەکانیا دەتوت بۆ زەماوند دەچێت، بەچاوەجوانەکانیەوە هاوکات قسەی لە گەل دایکما دەکردو چاوی لە جەواد هەڵنەدەبڕی، دایکم بەناو چاو تاڵیەوە وتی " ئەرێ خۆ من دایەن مناڵ تۆ نێم ! نا واللە خۆیشم ئەڕۆم بۆ کۆبوونەوەکە! کچە هەرئەمەێ بیست لچی لەدایکم هەڵقورتاندو و دوور کەوتەوە. " ئەرێ دانارزی " پرسیاری باوکم لە دایکم بە توڕیەوە، " بۆ ئاوا لە گەڵ ئەو کچە جوانا ئەدوێت؟ "
" ئەبوو دارزیم ! ئەو کجەجوانە بە وتەی جەنابت ! شوی هەیە، هەموو شەوێک ئاوا خۆی ئەرازینێتەوە ، ئەڕوات بۆ ناوەراس ئوردووگا، بۆ چاوبڕکێ لە گەل پیاوانا و هەزار کاری خەراپتر، کە نامەویت قسەی لێ کەم و بیشزانم، لە حالیکا پیاوە داماوەکەی پیشمەرگەیەو و لە سەنگەرایە"
" بوختان بۆخەڵک مەکە " باوکم، وەک گورز کیشای بەناوچاودایکما" تۆ لە حەسودیتا ئاوا بوختان بۆخەڵک ئەکەی ، لەبەرئەوە ئەوکچە جوانە، زەریفە و..." دایکم ئاوریگرت، لەحالیکا کەفی ئەچەراندوناوتەوێڵی پربووبوو لە تەرزەی گڵۆپەئارەق، خوراندی بەسەر باوکما: "حەسودی ئەکەم؟ بۆختان ئەکەم؟ ئەی بێ..." قسەکەی خۆاردەوە و ودواێ چرکەیەک دیسان وتی"نازانم چێت پێ بێژم! ئەو کچە بە کچ من ئەژمیردرێ، من حەسودی بەو ناکەم ، وازم لێ بێنن، ئەڵین هەرچێ پیاوە وەک یەک وانەو عەقڵیان هەتا ناو قەویان بڕئەکا" رووئ کرد لە جەوادو وتی " جەواد گیان! براکەم ! کورەکەم ! تۆ کومەڵەیت! ئەشێ چاوەدێری ئەم کەسە خراپانەش کەن با حەیامان نەچێت، ناومان بەخراپە بەلاو نەبیتەوەو، ئێمە بۆ شتێکی وەک خۆتان ئێژن موهیم وگرینگ هاتووین، بۆ سوڵح و ئازادی وبەرابەری هاتوین و دەسمان لە ماڵ وحاڵووەزع خۆمان کێشاوەو، وەک ورچ خزاوینتە ناو ئەم دارسانە، کە بە شەرفو حەیاو بژین، ئەگەر خۆانەخۆاسە دوژمنان بزانن و بەناو شارانا بلاوی کەنەوە و ئەوا ئیتر هیچ ، حەیامان ئەچێت، لە جیاتی پشتیوانی، ڵەحنتمان ئەکەن، بزنێک گەڕ، ڕانێک گەڕ ئەکا بەقوربان ...! ؟ "
"ببوورە دایە گیان ! شتی وام نەبیستبوو، لەگەل رەفیقەکانا قسە ئەکەم" جەواد خەریک ئەهوون کردنەوەو دلنیاکردنی دایکم بوو، باوکم روو لێان وتی " باشە ئیتر بەسی کەن، نا چەن دەقەی تر هەوالەکان بلاو ئەکەنەوە و، هەڵسن بڕۆین بۆ ناوەڕاست ئۆردووگا " ڵەڕێگادا لە جەوادم پڕسی " پێت وایە شارەکانی کەش ڕێگای ئێمە دەگرنەبەر وەک مەریوان .."
" نازانم ! هەرچی بێت، ئیسە ئەێ بیسین! باوکت خۆ نەیدرکاند." ئاوریکی گەورە ڵە دەرەوە دیاربوو، شەوقی ئاگرەکە هێمای خەڵکیکی زۆری بەدوورخۆیا ئەپژاند، لەو تاریکانیەدا لە بەینابەینی جەستەو و دەست ولاقی مرۆڤەکاندا، تێشکو، شەبەقی ئاورەکە، رووناکی دەخستە سەرخیۆتەکان، جارجارتاریک و دیسان لە شەوقو وتینیا دەگەشانەوە و، وەک تۆپە نوورهاوێژەکان پادەگان بوو، کە لەترسانا دەی هاویشت، و دەورو پشت خۆی رووناک دەکردەوە و،، نە لەوە نەدەچوو، لە ئاوری شەوی نەورۆز دەچوو، چونکا خەڵک لێ نەدەترسان و خۆیان حەشار نەدەدا، بەلکوو بەرەو رووی دەچوون و دەنگی خۆشی و پێکەنین دەهات، لەناکاو دەنگێکی بەرزی مۆسیقای رەزمی، سرودی نیشتمانی، وەک نەوارە سرودە نیشتمانیەکانی حەمەرئوفی پیشمەرگەی مەلامستەفا و پؤرزای دایکم هاتە گوێ ، ئەری ئەوکاتانە دەیهێنا بۆمان وباوکم گوێ لێ دەگرت، ئەئ بۆ ئەوکاتانە هێندەم پێ خۆش نەبوو؟ بڵیت ئەوکاتانە منداڵ بووبێتم و هەستی شۆڕشگیریونیشتمانیم نەبووبیت؟ نە، نە ئەوانەی حەمەرئوف و مەلایەکان دەیان هێنا بۆ مەریوان تێدەگەیشتم ، ئەمە تێناگەم ( راوەستام، چاوم بەست و ویستم کلیمەکان لیک جیاکەمەوەو تێ گەم) گەڵی کۆردستان.... کرێکار...شۆڕشوان...بی سەمەرە تەنیا چەن وشەی کوردی تێدایە، ئەوانی کە تیناگەم، بڵیت بە زمانێکی کە بۆ پشتیوانی ڵیمان وترابیت، خۆفارسیش نیە، نە ئەم دەنگە بەرزە کە ڵە قۆلایی هەستێکی بەباوەڕو شورشگیرانەو ە دەر دەچێت، ئاوا موچڕکەو تەزئەخاتە جەرگو هەناوەوە ... جەواد دەستمی گرت و رامی شەکاند، پرسی " چیە ! بۆ ویسیای؟
" گوێ گرە ! گەرەکمە بزانم، ئەم سرودە هێ کێیە؟ تێناگەم ! تازەیە؟" جەواد بە پێکەنینەوە سەری سوڕداو وتی:" چاوم لیتە، ڵە عەزرەتا سوورو گرژ هەڵگەراوی، چاوت فرمێسکێ لێدەباریت ، هەناسەت سوار بووە و ناتوانی بە ڕێکوپێکی قسە کەیت ، قەیناکا منیش بۆ هەوڵینجار گوێم لێ بوو، هەر وەک ئیسەی تۆ، موی بەدەنم راست بوەوە، ئەوە دوکتور شوانە !" پرسیارئامیز چاوم بڕیە ناو چاو جەواد " دوکتور شوان! دوکتور، شوان؟"
"هەتیم ! نەم وت دوکتور شوان! وتم دوکتورشوان، رەنگە ناوی شتێتربیت، ناو هۆنراویەکی دوکتورشوانە، چپ و شۆڕشگیری کوردستان ترکیەس، دانشجوەکان کاستەکەیان لە ئوروپاوە هاوردوەسۆ بۆ ئیران، لە دانشگا تاران و تەزاهورات چەپەکانا هەمیشە هەس، یەکێک لە رەفیقەکان خۆمان کوپیەکی هاوردوەسۆ بۆ کورسان ."
"ناحەقیان نیە ! زۆر رەزمێە، فارسەکانیش هەر وەک من چێژی ڵێ وەر ئەگرن، ئەوانیش هەر وەک من ڵێ تێ ئەگەن ، هەرچەن تۆ ئێژیت کوردیە" " نە وا نیە، ئەگەرجوان گوێچکە بدەی، حالی ئەبیت، وشەکان کوردیە، زاراوەکە کرمانجیە! ئێمەیش وەک میللەتەکانیتر لەهجەگەل جۆراوجۆرمان هەس، فەرقەکەمان ئەوەسە، داگیرکەران و ملهوڕان دونیا بۆ منفەعەت خۆیان ئێمەیان لەبەین خۆیانا بەش کردوە، پۆکی ئێمە لەهجەی فارسی هاتوەسە ناو زوانەکەمان، کورد سوریە وعراق عەرەبی، کوردەکان تۆرکیەیش تورکی..." نزیک ئاوەرو کوبونەوەی دوور ئاگرەکە بووبوینەوە و جەواد ڵە قسەکردن وگەرانەوەی چارەرەشی میللەتی کورد گەرم راهاتبوو و دەیویست تەواوی مێژو و بەسەرهاتەکان،پەیماننامەکانی شەڕی ئەوەل و دووهەمی جیهانیم بۆ باس کات، فەریا نەدەکەوت هەربۆیە بەوە بەسی کرد و بە ئیشارەی دەستەکانی پێمی پیشان ئەدا کە چۆن کوردیان وەک مۆزائیکێک لەت لەت کردەوە و شکاندویانە، لە وەلامیا وتم : " جا جەواد گیان، مۆزائیکیک کە بشکێت، شکاوە ئیتر چۆن ئەتوانی ساقی کەیتەوە ، بە زەردە خەنەوە وتی " ئەوسای خۆی گەرەکە..."
کاک کاوە بەریۆەبەری ئۆردووگا، بە بلندگۆیەک بەدەستیەوە، لە دوور ئاگرەکەدا کە هەزاران کەس کۆبووبوونەوەو قەرەبالخ بوو راێ گەیاند" خەڵکی بەشەرفی مەریوان ! ئەم شەو، دوای هەواڵی تاڵی گەرتنی ئەوهەشت کەسەی کە لەسنەوە بۆ یارمەتیگەیاندن پیمان لە بەرپادەگانا گیراون،هەشت کەسی تریش کە هەروەها بەرەشەبگیری گیرابوون، چەن هەواڵی خۆشمان بەدەست گەیشتوەو بۆتانی دەگێڕمەوە، بەر ڵە گەرانەوەی هەواڵەکان پێویستە وەک پێشتر وتبوم دووپاتی کەمەوە، خۆراگری و یەکیەتی ئێمەێ مەریوانیەکان، نا وتنمان بۆ شەڕو زۆرەملی داگیرکەران، پێداگریمان ڵە سەرداخوازە بە هەقەکەمان، ئازادی و خۆ بەڕێوەبردنیی دموکراتیک،سنوورکانی کوردستانی تێپەراندەوەو خەڵکی شارەکانیتر بە شێوەهای جۆراوجۆر پشتیوانیمان لێ دەکەن و ئافەرینمان بۆ دەکەن بۆ هەڵویست و یەکپارچەیمان ڵە دژی شەڕفرۆشانی تازە بەدەسەڵات گەیشتوو، ئەم شەو ئەمەویت موژدەتان پێ بەم، پشتیوانیەکان ئیتر تەنیا ماددی نیە، ئیتر تەنیا بە خوردەوخۆراک و داودەرمان کۆ کردنەوە نیە، ئیستا ئیتر خەلکی باقی شارەکان ڕژاونتە ناو خیابانەکانەوە و وەک ئێمە دەستیان داوەتەخەباتی مەدەنی و پشتیوانی لە خەباتمان دەکەن ، مۆژدە بێت لیتان ! ئیتر مەریوان تەنیا نیە ! ئەمەی ئێمە کردومانە ودەیکەین بۆ تەواوی کوردستانە، بۆ ئازادیە، بۆ... " بە چەپڵە لێدان و دەربرینی هەستی خۆشی بیستنی وتەکانی کاک کاوە، قریوەی شادی وبژی وتن ، لەملاو ئەولای گوێجکەمەوە نەیدەهێشت گوێمان لە کاک کاوە بێت، تەنیا لێوی دەجۆڵاو، چی دەگوت ، تێنەدەگەیشتین ،کاک کاوەیش هەستیکرد کەس دەنگ نابیست، بەناچار وازی هێناو،دەستی بەرزەوە کرد، بەلکۆ هاوولاتیان ئەهوون بنەوەوە و وتەکانی درێژە بدات، بەدەوروپشت خۆما سەیرم دەکرد، دەتوت ئەم خەڵکە ئەوەی کە دەیانەویست، بیستویانەو، پێویستیان بە چی دیکە نیە، هەلیکیان بۆ روخسابوو، سەرکەوتنی بە دەینهاتۆیان، یاکۆ ئارەزووی سەرکەوتنیان پێشاوپیش جەژن بگرن . یەکێک بە دەنگ بەرز هاواری کرد، "ئەری بابە بیدەنگ بن، با گوێمان لێ بێت، با قسەکانی کات" . "ئەگەر یارمەتیم بەن، هەوالەکان ئەویە کە ..." کاک کاوە هاوکات لە گەڵ دەست بەرزکردنەوەیا بۆ بێدەنگی راگرتنی کۆبوونەوە جەماوریکە بەپەلە وتی :" یەک ! لەلایەن یەکێک لە دوستانمانەوە کە ئەفسەرێکی ئەرتەشیەو لە پادەگانی کرماشانایە، ئاگادارکراین، ستونیکی گەورەی ئەرتەش، بریتی ڵە چەندین گوردانی زریهی و پیادەنیزام، بەرەو مەریوان لە جادەی کامیارانەوە بەڕێ کراوە، بە بەلاو بۆنەوە ی ئەم هەواڵە، خۆشک و برا کامیارانیەکانمان بڕیاریان داوە نەهیڵن ئەم ستونە بۆ سەرکوتکردن و یارمەتی پادەگانی مەریوان تێپەریت، هەربۆیە بەهەزاران، ژن و مندال و پیرو جوان سەرجادەکەیان گرتوەو، دانیشتون و بەریان بە تێپەربوونی تانگەکان و ماشینە ئەرتەشیەکان گرتوە، لە وەلامی فرماندەی ستوونەکا، کە گوایا ئەوان ئیشیان پاراستنی مەرزەو بۆ مەرز دەڕۆن ، هاوولاتیانی کامیاران رایان گەیاندەوە خوێنی ئێمە تیکەلێ خوێنی خوشکووبرا مەریوانیەکانە و مەگەر بە سەر جەستەی ئێمەدا تێپەربن و بەگەنە مەریوان، دەنا ناهیڵین ." دەیسان چەپەڵەریزان و ئەم جار بژی کامیاران، بژی بەرایەتی و هاوخەباتیمان بەرزوە بوو، هەرکەسەو لەحەنای خۆیەوە شتێکی دەگوت، یەک دەی وت بەخۆا خەڵکی کامیاران بەجەرگن و ناهیڵن، ئەری من چەن ساڵ لەوی ماموستای قوتابخانە بووم ، برادەری زۆرم هەیە، چاکیان ئەناسم، زۆر پێکەوە یەکگرتوون و بریاریک بەن لە سەری سوور ئەبن ، دەک بە قوربانتان بم، کامیاران، کامیاران ...لە وەلامدا دەبیسترا کە دەڵین ، زۆر باشە ئەگەر تەواوی شارەکانی کوردستان ئاوا پشتیوانی لە یەک کەن و یەکگرتوو بین زەفەرمان پێ نابەن، تەنانەت ئەگەر هەرچی سەربازو ئەرتشیانە بینە سەرمان .... کاک کاوە تکای دەکرد بی دەنگ بن ... لەناکاو وتی " بەپێ ئاخرین هەوال خەڵکەکە تا ئیستە سەرکەوتوو بوون و کاروان تانگ وتۆپەکان بەناچار بەرەو کرماشان گەراونەتەوە ، بەلام تکایە شایی و شادەمانی دانین بۆ دوای هەوالەکان ( لە حالێکدا دەستی بەرزکردەبووەوە تاکۆ هاوولاتیان گوێ راهیڵێ خەبەرەکەێ تری بن وتی دوو: " خەڵکی سنەیش رایان گەیاندەوە بە ڕێپیوانێ چەنها هەزارکەسی بەرەو مەریوان .." کەسێک ، وادیارە خۆی پی رانەگیرابوو و وتەکەی کاک کاوەی بڕی و پرسیارئامیز قیڕاندی "بەرەو مەریوان!؟"
کاک کاوە بە بەزیەکی خۆشەوە وڵامی دایەوە" بەڵی وایە ! بەرەو مەریوان ! لەسنەهەموو ڕۆژیک خۆپیشاندان هەیە، ئەم ڕێپێوانە، خۆپیشاندانێکی گەورەو بە دەگمەنە ، هەر لەسنەوە تا بەر پادەگانی موسکی مەریوان، بۆ رزگارکردنێ رەشبگیریەکەی پاسدارەکان و لەویوە بەرەو ئیرە، ئۆردووگا، بۆ پشتیوانی لە کۆچەکەمان...
هۆرا، هۆرا... چەپڵەلێدان... بژی سنە، بژی کورسان.. بژی کوردوکوردستان .. بژی برایەتی سنەومەریوان ، بەژی سنەو کامیاران ... مردن و سەرشوڕی بۆ جاش و پاسدار...کەس خۆی بۆ رانەدەگیرا، کەس لە جێگای خۆی بەندنەدەبوو، بە رۆاڵەتیکی خۆشووگەشەوە،روویان لەیەکتر دەکردو، هەرکەسەو، شتێکی دەگوت.. بەناچار کاک کاوە بەلندگۆکەی دا بەدەس کەسێکی دیکەوە و دوای پارچە سروودیک، کەسکە لە سەرنوسراوەکەیەوە خەریک خوێندەوەی پەخشانەکەی بوو، بەلام خۆ کەس لەو قەربالخیەدا و هەراو هوریادا تێنەدەگەیشت، رووم لە جەوادی هاوڕێم کرد، چاوەکانی لەبەر ئاورەکەدا پڕ بوولە فرمێسکێ شەوق وشادی وریشەوریشی دەهات، لێوی دەلەرزا، حەپەساو بە خەڵکەکا ماقی بردەبووەوە ، دەستم بە سەرشانیا کێشا، " باشی" بەقۆڵ کراسەکەی فرمێسکەکانی سڕی، باوەشی پیاما کرد و پتە پت وتی " ئەری" بەرمیدا، هردوشانمی گرت و توند رامیشەکاند و دەیوت " باوڕت ئەکرد!؟ " ، " چیی ! چیم باوڕ ئەکرد! ؟، باشە ! ئەری، خۆشە، پشتیوانی لە کۆچەکەمان، یەکیتەتی و... " نە هەتیو، ئائەمە لە مێژوودا سەبت ئەویت ! تا ئیسە ! شتی وا رووی نەداوە، دەیان هەزارکەس ، دەیان کیڵومەتر ڕێپیوان، ڕێپیوانێ جەماوری خەڵکی شارێک بەرەو شاریکیتر، ئەزانی چەنێ زۆرە ؟" سەد کیلومتر!" .بەسەرراشکاندنەوە دەیوت زۆرتر " سەدوبیست " . لە سنەوە بۆ مەریوان بە پێ، دەیان هەزار کەس بە پلاکاردەوە وەک خۆپیشاندانەکانێ سەرشەقامەکان، لە مێشکمدا تاوتۆیم دەکرد، باوڕی هاسان نەبوو، بەلام نەمدەویرا بێدرکێنم ، چوونکا بۆ کۆچەکەیش باوڕم نەدەکرد ، وامدەزانی بڕیاری چۆلکردنی شارێک گەوجانیەو و خەڵکی ماڵومڵک خۆیان بەجێ ناهیڵن هەربویە قەناعەتم بەوە کرد، لە جەواد بپرسم " ئەگر ئیسە رەیکەوتبیتن پێت وایە تا چەن روژیتر ئەگەنە مەریوان ؟" " هەشت تا دە رۆژ، یەک،دوو رۆژ زیاتریا کەمتر!"
لە دوورەوە چەن کەسانێک بە زمانی فارسی دەدوان، سەرنجمانی بە خۆیانەوە راکێشا، جەواد وتی" بێ با بزانم ئەوانە کین! دوو گەنجی بڕێک بەتەمەن و ژنێکی سی یا سی وپێنج سالان بوو. جەواد بە فارسی سڵاوی لیان کردو پرسی، دیارە ئێوە لە دوورەوە هاتون و خەڵکی کوردستان نین ! ئەتوانم بە پرسم کین و لە کویووە هاتون ؟ یەکێکیان خۆی و دوو هاۆرێکەی ناساندو وتی ئێمە سەر بە گروپێکی مارکسیستین و لەتارانەوە دەین، بۆ پشتیوانی لەم جۆلانەوە جەماوەریە هاتووین ، لە دانشگا تارانا بیستمان و یەکسەر ڕێ کەوتین بۆ بەشداری و یارمەتیدان.
"باشە بەخێر بین بەلام خۆتان بە پڕسگەی بەرئوردووگا ناساندوە؟ ئەوان ئەزانن ئێوە لیرەن؟ " هەستم کرد، جەواد بە ناباوڕیەوە سەیریان دەکات و وەشەکانیشی لە پرسیارکردندا هاکەزای نیەو بە وریایەوە پرسیار ئەکات . ئەم جارژنەکە هاتە وەلام وتی" بەڵێ بەڵێ خۆمان ناساندەوە و بەخۆشیەوە دۆستانە وەرمانیان گرت و چادورێکی چکۆلەیشان پێداین" . ئەمجار جەواد بە بزیەکی دوستانەو لەقۆڵای دەڵەوە بەخێرهاتنی کردن و وتی" کەوایە بەخێر هاتن بۆ شاری خێوەت و، ژێر داربەڕوەکانی مەریوان " هەموومان بە قسە خۆشەکەی جەواد پێکەنین و پاشان جەواد، دەستی بۆ هاوڕێیان دریژ کردەوەو وتی ئەگەر پێداویستی خۆردوخۆراک یا کەسیکتان پێویست بیت بۆ تەرجومە، بین بۆلای من یارمەتیدان دەدەم ! "
" سپاس ! " ئەویان کە کەم تەمەنتربوو وتی" بە خۆشیەوە زۆربەی خەڵکی ئیرە فارسی دەزانن بە پێچەوانەی ئەوەی کە ئێمە کەسمان کوردی نازانین، خەڵکی ئیرە زۆر رووخۆش و میواندۆسن، باوڕ ناکەم بۆ هیچیک دامینین. جەواد دیسان پرسیاری کرد:" ڵە قسەو هەوالەکانی، بەڕێوبەری ئوردووگا تێگەیشتن ؟
"بەڵێ، بەڵی گەنجێکی رەفیقتان بە فارسی بۆمانی دووپات دەکردەوە '' ژنەکە دەیوت '' ئەو،بە بزەو هەیەجانەوە، سیمای گەش و پرسیارئامیزیەوە، سەری بەملاولادادەسوڕاند،هەیتا هەیتا قەژەدرێژە شڵەژاوەکەی دەدالاوە تاکو بەربینای رزگارکات، رووی لەمن کرد وپاشان بەرەو جەواد ۆەرچەرخا، دەیویست هەست و سۆزی خۆی بەجۆرێک دەربڕیت: " گەر بەچاوی خۆم نەمدیبایت و بۆ ئیرە نەهاتایم، باوڕم نەدەکرد، هەزاران کەس جادە ببەستن تاکو هێزی سەرکوتگەرنەگاتە شارەکەتان ، لە لایەکی کەوە، دەیان هەزارخۆپیشاندەر، چەندین شەووڕۆژ ڕێگای دوور و درێژ بەپێوون و بەرەو ئیرە بین تاکو هاوسۆزی خۆیان پێتان راگەینن، ڵیرە شارێک بۆ بەرگری و خەبات دەژی سەرکوتگرو شەڕخۆاز، ماڵ ، مڵک و کار خۆیان جێ بهیڵن!!! نە، نە، قەد لە مێژووی ئیرانا شتی وەها نەبووە، یەکگرتۆی و خەباتی وا لە چیرۆکو و شیعریشا نەخوێندەراوتەوەو، دەبێ ئەم داستانە عەینی و خۆلقاوی کوردستان، لە تەواوی ئیرانا بڵاو بیتەوەو، دەرسێک بێت بۆ شارەکان و جەماوری بەرینی وەڵاتەکەمان، ئیران." یەکێک لە دوو پیاوەکەی هاوڕێ، چەن رەستەی لە وتەی هاوڕێ ژنەکەیان دووپات کردەوە و وتی" بەراستی وایە ! ئێوەی چەپ، ئێوەی کومەلە، شەمستان هەیە، هان لە كوردستانا، کورد شۆرشگیرە، زۆر لایەنگر ئائێن نین، هیزەئیسلامیەکان ڵیرە پێگەو دەسەلاتیان نیە، بەداخەوە لە شارەکانی دیکە وەها نیە، ئەو هەمووە، ئێمە دژێ دیکتاتوری شا خەباتمان کڕد، زیندانەکانێ شا پڕبوو لە کمونیست و لاینگرانی ریکخراوە چەپەکان، کەچی خەلکە رووت و هەژارو زۆڵم لیکراوەکەی ئیران کەوتوونەتە شوین آیت اللەکان ، بەخۆتان شانازی کەن کە هان لەناو کوردستان، سەنگەری ئازادگانادا، تەنیا سەنگەری ئازادی و دیمکراسی ئیران کوردستانە، دەبێ بە تەواوی هێزەوە پاریزگاری وپشتیوانی لێ بکرێت" . روو لە جەواد بە هیواشی وتی " ئەویش بڵێم ئێمەیش بەو بۆنەوە هاتوین .." من و جەواد هیچمان نە دەگوت و گۆیڕایەڵی پیا وتن و تاریف و قسەخۆشەکانی ئەوان بووین، زۆرم پێ خۆش بوو، لەو هەمووە ، تاریفە، تەزی خۆشی و لە خۆ رازیبونم بۆ خەبات و ریکخراوەکەمان، لەشی داگرتم، دەمویست لە خۆشیان باڵبگرمەوە و هاوارکەم، بەلام جەواد ناوچاوی دابوو بەیەکا، بۆ؟ هەست و دەرونی، منێ خۆیندەبوەو و ئاگادارم بوو، نەکوو بە بەرچاو ئەم میوانە غەریبانەوە وەک منداڵ پێ خۆش بوونی خۆم دەربڕم ؟ ئەی بۆ،ئەویش وەک من ، ئەو،قسانەی پێ خۆش نەبوو؟ ئەگەر پێ خۆش بوو! دەی بۆ ناوچاوی دابووبەیەکا ؟ بەو ناوچاوترشیەوە،دەیویست چی بڵیت !؟ من زۆرم پی ناخۆش بوو، کە هاوڕێ خۆشەویستم جەواد ئاوەها لە گەڵ ئەم میوانە فارسانا، کە تاریفمانیان دەکرد وەها بدویت، وتی" سپاس! سپاس بۆ هاتنتان ، بۆ یارمەتیتان ، بەلام باشترئەوە نەبوو لە شارەکانی خۆتانا بماینەوەو و لەویۆە یارمەتیتان بدایەت؟" "مەبەستت جیە ؟ دەتانەویت چی بڵین ؟"
کۆتایی بەشی حەوت