ئوردووگای كانی میران بەشی ٦
هەروها بە نێو ئوردووگادا، دەسوڕامەوە، مێزیکی گەورەم بێنی، خەڵکێکی زۆر بەدەوریا عالقەیان بەستبوو، خەریک خوێندنەوەی رۆژنامەو گوڤاربوون، سەرنجی نوسراوەو، گوڤارەکانم ئەکرد، زۆریانم نەدەناسی، بەلام بە رەسم و نوسراوکانا دیاربوون کە هی حیزب و ریکخراوەهای مەدەنی و سندیکاهای تازەساز بوی ئیرانین و هاتبوون بۆ پروپاگەندە و یار کۆکردنەوە.
لە گەران بە دووی خێوتەکەی باوک و دایکم دا ماندوو بووم و لە بن داریکا دانیشتم. لەو پشودانەدا، پیسی و پوخڵی بەین خێوەتەکان، دەلقەپلاستێکی، پاکەتی کاغەزی فڕی دراو، گوریس و چادوری نامیزان و شلو ول هەڵدراو، خستمیە بێر ئوردووگاێ پیشاهنگیەکەی نیشاپوور، بە ئەویان دەگوت ئۆردووگا ! بە ئێڕەیش ئەڵین ئۆردووگا ! چەندە فەرقیان هەیە ! بەقەد عەرز و ئاسمان جیاوازیان پێکەوە هەیە، لەوەی خانۆگەلێکی چکۆلەی دارینە لە ریزیەکدا، دەتوت سەربازن و بۆ ریژەوەستاون، هیندە ڕێک و پێک ووەک یەک و لە یەک ئەندازەو قەبارەیکدا بوون، بە رەنگگەلێکی جوان و دڵنشین رەنگئامێزی وبۆیاخ کرابوون، لە سەر چیمەنێکی ڕێکوپێکدا، کە زۆرتر لە قاڵی دەچوو نە چیمەن، شەقامی پانی ڕێک و پێکی ئیسفالتکراوی بەین مالەکان، جێگای پاک و خاوینی دەس بە ئاوەکان و خۆشتن و...... نە ! نە ! پیاو ناتوانی ئیرەو ئەوێ پێکەوە بەراوردکا! ئاخۆ خەڵکێ بۆ خۆشتن و دەس بەئاو گەیاندن چ دەکەن؟ ئەوا لەو دوورەوە چاوم لییە کچان و ژنان بە دەبەی پلاستیکیەوە لە ڕێزدا وەستاون تاکو لە تەنکەری ئاوکیشەکە دەبەکانیان پڕ کەن، بێ گۆمان بۆ چێشت لێنان و حاجت شتن دەبێ، ئەی ئەگەر زۆریان بۆبێت و ... لەکوێ خۆیان خاڵی دەکەنەوە؟ نە لە گەل سەیران رۆێشتنێش ناکرێت بەراورد کرێ، ئەمە ئوردووگا نیە ! ئەمە لە بەڵایەکی سروشتی دەچێت کە خەڵکی لە ترسانا، ماڵوحاڵی خۆیان بەجێ هێشتوە، ئەوەی بەرپەلیان کەوتوە لە گەڵ خۆیانا هێناویانە و بێ گومان ئاواتیان ئەویە دواێ وردەلەرزەکانی ئەو بۆمەلەرزەیە بڕۆنەوە سەرباخ و مال و کاری خۆیان و بە ئازادی لە نێو شارە خنجیلانە و جوانەکەی مەریوانا بژین، دەنا شاریکی ئاوا پیسی چادوری، لەناو ئەم داربەڕووانەدا ! پێکەنین دامیگرت، کەوتمە بیر گالتەکردنی سنیەکان بە ئێمەی مەریوانی " ئەم بەڕووخۆرگەلە چۆگنەسو سەر زندگی ئاباوئەژدادیان، چۆگنەسە ناو جەنگەڵ، شاریکێان ناو داربەڕووکانا دروس کردگە. گەریان و قیرەقیری دوو منداڵ کە پێکەوە شەڕیان دەکرد، بیرو خەیاڵمی چڕاند." چ بووە، بۆ شەڕ ئەکەن ؟ " یەکیکیان بە گریانەوە، پتەپت وتی:" ئەو.... تۆپەکەمی فڕێ داوەتە سەر ئەودارە! ( بە ئیشارەی پەنجەی نیشانمی دەدا) " ئەوی کەیان وتی:" بە خوا خەتای من نەبوو، پێکەوە یاریمان ئەکرد، شەقیکم لە تۆپەکەدا، کەچێ گیری کرد" ئەوەیان کە دەگریا و دیاربوو، تۆپەکە هی ئەوە، دیسان دەستی کرد بە جنێودان و هەڵمەتی لێ دەدا. لیکێانم کردەوە وتم : " باشە، جنێو مەدە! شەڕمەکەن، من دەیهێنمەخوارەوە ". بەسەر دارا هەڵبەزیم، تۆپی هەلگرساو بە سەر پۆپەی داردام خستەخوارەوە، هەر دوو مندال بە پێکەنین و خۆشیەوە دوور کەوتنەوە. سەدان چادورو دیمەنی ئوردووگا لەم سەرەوە جوانتر دیاربوو، هەر لەویوە چاوم بە ماشینە سپیەکەی نەخۆشخانە کەوت، بە خۆم گوت، حەتم عوسمان و هوشنەگ هان لەوێ، بە گورجی هاتمە خوارەوە و بەرەو ئەو جیگایەی ئامبولانسەکە وەستا بوو بەڕی کەوتم.لە خێوەتە گەورەکە نەخۆش وبریندار بێنێنێ ئوردووگادا، چاوم بە عوسمان و هۆشنەگ کەوت، هردوویان بە ناباوڕی و پێکەنینەوە بەرەو روم هاتن و بە گالتەپێ کردنم وتیان " با، با، ئائەوە ڵیرە چێ ئەکەی ؟ ئێمە پێمان وابوو کاکی پێشمەرگە ! ئیستا جەنابتان لە سەنگەردان و پاریزگاری لە شار دەکەن ! لە بەر ئەوەی کەسیێکی دیکە بە گوشییەک لە مەل هەلۆاسراو، پۆشتە بەکراسێ سپی، لە دۆکتوردەچوو راوەستابوو و بە بەزەیەکی دوستانەوە، سەیرمانی دەکرد و نەم دەناسی، تەنیا توانیم بە بەزەیەک وەلامیان بدەمەوە، عوسمان دوای بەخێرهاتنی دووبارە وتی:" اقای دوکتورحسینی ( بە فارسێ پێمی دەناساند، دیاربوو جەنابێ دوکتور کوردی نازانیت) خەڵکی خوزستانە، باشووری ئیران، بۆ یارمەتی ئێمەو خەڵکێ کۆچ کردوو هاتوە !
دەستومشتاقم لەگەل کرد، بەخێرهاتنیم کرد، لە دەلەوە زۆرم خۆش دەویست و حەزم ئەکرد خۆشەویستی خۆمی بە شیۆەیەک پێ راگەیەنم، بەلام چۆن؟ نەم دەزانی، ناچار بە بەزیەکی دوستانەوە سەرم بۆ دانەواند. شەوقی هەستێ پڕسۆزو خۆشەویستی دەرونمێ هەژاند، قۆرگم گیراوئاوزاییە چاوم، بۆ؟ بەخۆم و خەڵکی شارەکەم لەمەر بەرخودان و ئازادیخوازیان شانازیم دەکرد کە ئاوا لە هەموو گوشەوکەناریکی ئیرانی بەریندا دەنگی خۆراگریان بلاو بوەتەوەو ئەم کۆترە سپێ ئازادیخوازانی وەک دوکتۆر حسینی، هەزاران کیلومتر ڕێگایان داوەتەبرخۆ تاکو بەشێک و پشتیوانیەکی ئەم جۆلانەوە مەزنەبدەن، بێ گومان کاک فوئاد ! ئەی رێبەرو خەمخۆری کریکاران و هەژارانی مەریوان و کوردستان ! ئەم گەنجە عەرەبەیش یەکێک لە دەیان شاگردێ تۆیە و بێشک لەوکاتانەدا لە مەریوانەوە، دوای ئەوی جێژنی دووهەزاروپێنج سەدسالەی شاهنشاهیت کرد بە تاریکستان وکردت بە قۆزەلقورتیان، لە ئیش و مەراقی ئەو تەرویەدا کە بە سەریانتا هێنا، بۆ باشووری ئیران، ناو عەرەبەکان وەک تەبعیدگا ناردتیان، تام و چێژی ئازادی و رزگاریخۆازیت بە حەقخوراوانی خوزستانی پیشان داوە و فێریانت کردوە، بۆ بەرگری و شورش لە دژی داگیرکاران دەبێ یەکبینو و هاوڕێ و هاوخەبانی یەک بین. دوو پیرەژنی نەخۆش بە ناڵەناڵ هاتنە ژورەوە، عوسمان وتی: " هۆشنەگ گیان ! من یارمەتی دوکتور ئەدەم ، تۆ بڕۆ بۆ لای جەواد بڕیک نان و پێخۆر بۆ شەو بێنە ! لە بیرت نەچێ بەش حسەینیش بێریت ! "" نە، نە عوسمان گیان ! من ناتوانم بمێنمەوە ، دەبێ ئەم شەو لە لاێ دایکم بم و بەیانی بەگەڕیمەوە بۆ لاێ دەستەکەمان، ئەگەر دایکم بزانی هاتوومەتە ئوردووگاو چاوم پێ نەکەوتووە، حەشر ئەکا، هەر ئەوی کە چاوم پێتان کەوت باشە، بۆ جاریکیتر ئەگەر هەر لێرە بوون حەتم سەرتان لێ ئەدەم."" زۆر باشە بڕۆ بۆ لای دایک و بابت ! ئەوان واجبترن ، حەزم ئەکرد، ئەمشەو پێکەوە بوواین و دوای نانخواردن پێکەوە بۆ کوبوونەوەی ئێوارانی ناو ئوردووگا بڕۆشتباین، بێ گومان پێت خۆش دەبوو، تاکو جارێکی کە ، هۆشت بەخۆتەوە بێ ".
هەستم کرد ، دەبێ بڕۆمە دەرەوە ، جێگاکەیان بچوک بوو، بەر دەستوپایانم گرتبوو، دەبوای بە نەخۆشەکانیان رێ بەخستایەت، بەپەلە خواحافیزیم لێان کڕد و رۆیشتمە دەرەوە. هۆشنگ وتی: " راوەستە، پێکەوە دەرۆین ! خۆ ئەبێ من بڕۆم بۆ تەداروکات، نان و پیداویستیەکانێ کە بیرم، پێکەوە دەرۆین و پیت پێشان ئەدەم چۆن چادۆرەکەی دایک و بابت بدۆزیتەوە". لە ڕێگادا من باسی هیرشی پاسدارەکانم بۆ سەر تەپوڵکە، فرماندەکەمان کاک حسین سوڵتانی و... دەگەڕاندەوە ؛ ئەویش باسی ئێشی چاپ و بە تایبەت باسی کاری روژانەی دەواودەرمان و نەخۆشی زۆربە ی بەسالاچوان و مندالانی ساوای دەگێڕاوە؛ هۆشنەگ پێ وابوو، ئەگەر ماوەیەکی درێژخایەن ناچاربین بەوشێوەیە لە ئۆردووگا بمێنینەوە ، خەلکی تووشی نەخۆشیهای پێسی و پوخڵی دەبن و دەبێ کاری بەرگری بگرێنە پێش، دەنا دێر یا زوو تۆشی مەترسی سەلامەتی دەبین. "باشە هۆشنەگ، عوسمان لە کوبونەوەێ شەوی ئوردووگا، مەبەستی چ بوو؟ باش تینگەیشتم، دەێوت دەچین بۆ ئەوێ " !؟
دەستی راکێشا بۆ مەیدانێکی بڕیک گەورە ، منیش ڵە پیشا پێم سەیربوو، بۆ لەوێ خیوەتیان هەڵنەداوە. ئەو پرسیارەی زەینمی گەمارۆ داوە و وتی : " ئا ئەو شوینە دەبێنی کە پایەی بلندگویەکی لێ دیارە؟ " لە وەلامیا وتم " ئەو شوێنە کە بلندگوکوڕەکەی لێە ؟"
" ئەری خۆیەتی، دەبێ شەو لێرە بێت و بزانی چیە ! ئێمە کە ماندووی روژانەمان لەوی ئەحسینینەوە ! بەبڕوای من تەنیا خۆشی ئەم ئوردووگایە شەوانەیە کە بە هەزاران کەس ڵیرە کۆدەبنەوە ! بەریوبەرێ ئوردووگا، بەرنامەگەلیکی جۆانی بۆ ئەم شەوانە تەیار کردەوە، لەپاڵ گواستنەوەی نۆیترین هەواڵەکانا، بلاوکردنەوی ناو و ناوەڕۆکی پشتیوانی کەسەکان ، سازامانگەل و شارەکان لە کۆچ و بەرخۆدانی خەڵکی مەریوان،جا چ بە ناردنی پێداویستیەکانی ژیانی کۆچبەری وئاوارەیی، تاکو راگەیاندنی هاوخەباتی و هاوخەمیان لە گەڵمانا، شیعروپەخشان خوێندنەوێ هونەرمەندان و... لە کۆتایشدا هەتاکو نێوەشەو باس و چەلەحانەی خەلک لە سەر رووداوەکان پێکەوە ،........ هۆشنەگ درێژەی بە قسەکانی نەدا، چونکوو گەیشتبۆینە بەر خێۆتی بەلاو کردنەوەی خواردەمەنی، پیکاپیک ودوو گوێدرێژ لەبەر هەردوو ئەنبارەکەدا بوون .
هۆشنگ رووی لیم کرد وتی:" چاوت لێە! ئەوێ ئیستا دەێبێنێ بەیانان قەرەبالغترە، هەموو رۆژیک جوتیارەکانێ ئەم ناوچەیە لە دوور و نزیکەوە یارمەتیەکانیان دەگەیننە ئیرە، یارمەتیەکان زۆرتر بریتین لە نانی تازە، کەرە، ماست و بە کورتی هەرچیەکیان لە ناو ئاوایدا بۆ کۆکرێتەوە و لە دەستیان بیت بەرەو ئیرەی دەینن . بێ ئەوەی خوازیاری کرێ یاکۆ قەربووکرنەویەک بن و..." لە دوورەو جەوادم بێنی، خەریک بەتاڵ کردنی ئەو ماشینە پیکابە بوو کە بارە پەتاتەی هێنابوو، ئارەق لە سەروچاوی دەتکی ، هەستی بە من نەکرد ، منیش بێ ئەوی وەشەیەک بەسەر زارمابیت و خۆمی پێ پێشان بدەم، چۆمە تەنیشتەوە و دەستم کێشا بۆ فردەپەتانەکان و یارمەتیدانی . کوتوپڕ وەرچەرخا، بە روخساریکی پرسیارئامێزەوە و بزەی ڵیوانەوە وتی:" ئەک ،ئەری خالۆ ئەوە تۆ ڵیرە چ ئەکەی!؟" پێک گەشتنێکی خۆش و رەفیقانە، لیک ئاڵاین و یەکترمان لە ئامێز گرت، دەتۆ زەمەنیکی دوورودرێژە یەکمان نەدیوە، دوای ئەوی جەواد زۆرسپاسی جوتیارەکان و شۆفێڕی بارهەڵگرەکەی ئەکرد؛لە حاست یارمەتیەکەیان ؛ دەستمی گرت و وتی : " وەرە بڕۆینە ناو چادورەکە ! دوای ئەم کارە چایی دەچسپێ! " بە سپاسەوە لە گەڵی چۆمە ژورەوە و ئەویش بە دەم چا کردنە ناو پەرداخە پلاستیکیکەوە بە دوو گەنج ، کە وەستا بوون و مەحتەلی بەڕێوبردنی بڕیارەکانی بوون ؛جەواد وەک بەرپرسی خۆاردن و خۆاردنەوەی ئوردووگا بوو؛ فەرمانێ دا " پەتاتەکان لە بەشهای دوو کیلویدا بەپێچنەوە تاکو سبەی بە نێو بنەمالەکانا دابەش کرین.جەوادی هاوڕێم وەک هەمیشە پرکاروماندووی نەناس بوو، دەورو پشتی نێو خێوتەکە پڕ بوو لە عەدلە قەندو چایی، نیسک و ڵۆبیا.......، دیار بوو لیرەشدا شەو و ڕٶژی بۆ نیە و لە ڕێگای دابەش کردن و سەرپەرشتی پیویستیەکانی ژیانی ئوردووگاوە سەرقالی خزمەتکردنی خەڵک بوو، بە دەم چا خواردنەوە هیندەی کە ئارەق نیشتە سەر تەویڵی و بە دەسەسڕێک دەموچاوی وەشکەوە دەکرد و دەی وت " چایەکە گەرومی سوتاند، داخە، بەلام نازانم بۆ ئەڵێ ئێمەی کورد بە چایی داخ نەبی ماندوویمان ناحەسیتەوە".
" دەی ئیتر، خەبەرات ؟ چۆن بوو هاتی بۆ ئوردووگا ؟ ئەگەر بە هەلەدا نەچۆبیتم پێم وایە هاتۆی چاوت بە دایک و بابت کەوێ وایە؟ " بە سەر لەقاندن بەڵیم بۆ کرد و تەماشای روخسارە میهربانەکەیم ئەکرد، دەستی دا بەسەرشانماو وتی " خەفەتت نەبێ ! ئەزانم چادورەکەیان لە کوێە، پێت پیشان ئەدەم! بەلام نە نە راوەستە ! پێکەوە دەرۆین، ئاخر منیش حەزئەکەم چاویکم پێان کەوێت ، بزانم....!" پاشان باسی کاروهەڵسوڕانی خۆی و هەڤاڵەکانی دەگەڕاندەوە، دەێ گەرانەوە کە چۆن هەموو رۆژێک سەدان تن خۆردوخۆراک لە شارەکانەوە ، بە تایبەت دیهاتەوە دیتە ئیرە (ئوردووگا) و دەبێ جیابکرینەوە، دابەش کرین و... هەمووی بە خۆرایی و خۆبەخشانە دەکرێ، لە وەلامی سپاس و پێزانینی ئێمەدا ؛کە هەمیشە وەک ئەرکی ئەو کەسانەی لیرەدا کاردەکەن و بەڕێوەبەرانی کۆچەکە ، ویستۆمانە ڵە دەلسۆزی و پشتیوانیان بۆ یارمەتیەکانیان سپاسیان کەین ؛ دەڵین نە بابە سپاسێ ناوەیت و ئەرکی سەرشانمانە و دەبێ بیکەین، جا ئائەم خۆبەخشی و و بەدرەبەست بوونی خەڵکی ئاساێ بگرە بەرچاو و هەلسووکەوتی بڕێک لەم ریکخراوە بەناو چەپانەی ئیرانێ...! باوەڕ کە حەسین ! "دوینێ چەن کارتوون هێلکەمان لە لایەن یەکێک لەم حیزبانەوە لە تارانەوە بۆ هاتبوو، کەچێ کارتوونەکان ئەکەینەوە ، بە سەر یەک بە یەکی هێلکەکانەوە مۆری داس و چەکۆشی پێوەبوو، جا بزانە ئەم بەناو ریکخراو خەڵکیانە چەندە هەلپەرستانە مامەلە لەسەر شۆڕش ئەکەن''
بەپێکەنینەوە وتم" کورە لێانگەڕێ با هەروا گەوج بن! ئەوە پێان وایە هەرکە هێلکەیک دەخوات زوو تەلەفۆنیان بۆ ئەکات ، دەبن بە لایەنگریان، خەڵکیمەریوانیان نەناسیوە ، خۆیان ئەکەن بە گاڵتەجاڕ، لێانگەرێ با یارمەتی بنێرن بەمۆر و بێ مۆر...." "ئەرێ خۆ ئێمەیش هیچمان نەگوتۆە و سپاسیشمان کردوون، تەنیا مەبەستم ئەوە بوو هاوخەمی خەلکی زەحمەتکیش لەگەل یەکدا و روشنبیرەکانت بۆ بەراوردکەم، دەنا..." دەستی دابەسەرڕانمداو وتی:" هەستە با واز لەمانە بێنین و بڕۆین بۆ لای دایک و باوکت باشترە." بەبەین چادورو خێوەتیکی زۆردا دەرویشتین و لەهەموو لاوە ، کەس بۆ پرسیارو خۆشوچلۆنی لە گەڵ جەوادا دەکرد و ئەویش بە مەتانەت و رۆخۆشیەوە بەدەم هەرکەسەوە دەوستاو، هەر بۆیە کاتیکی زۆرێ خایاند.
" ئەرێ کاک جەواد ئاوا خۆ بە رۆژیک ناگەینە ئەو سەری ئۆردووگا؟" لە بی تاقەتی و تامەزروی هەرچی زووتر بینینی مالەوەدا پرسیارم کڕد ، ئەویش وتی" باشە ! چی کەم ! تاقەتت بێ ! ناچارم ،دەبێ خەڵک دەڵخۆش بن ، ئائەو چادورە قاوەیە دەبینێی، ئەوە چادورەکەیانە ، ئیستا دەیگەینێ!" چادوریک چکۆلە ، لەبەین دوو داربەڕودا، لەهەرچوارلاوە بە تەناف بە لقو و دەور داربەڕوەکانا قایم کرابوو، بەسەرتەنافەکانا رەخت ولیباس هەڵواسرابوو ،بۆ وەشکبونەو یاوەکو لە بەربیدەرەتانی و نەبونی جێگا وەک چیۆلیباسی کەڵکی لیوەردەگیرا، لەبەر درکەی ئاوەڵای چادورەکەدا، قاڵییەکی بچۆک راخرابوو، بەرابچوکەکانم بەسەریەوە دانێشتبوون و یاریان دەکرد، دایکمم بینی بەدەور سێ کوچکەیەکدا سەریداخستبوو و خەریک بۆ فوی لە ئاورەکە دەکرد، تیانەیەکی نا بەسەرئاورەکەوەو ویستم بڕۆم بۆلای و سلاوی لێ کەم ، جەواد وتی" راوەستە با بڕیک دەڵی خۆش کەم و وەک دیاریەکی چاوەڕواننەکردوو بتبەمە لای !" چاوم لە دایکم هەڵنەدەگرت، ناسر برام چاوی پێمان کەوت، گەرەکی بوو هاوارکات، پەنجەم برد بۆ بەردەمم و پێم سەلماند هیچ نەڵێت ، ئەویش باش بوو لە خواخواستەوە بەزمێکی بۆ یاریکردن دەست کەوتووە بە قەوڵمی کرد و بی دەنگ بوو، بەلام هەر لە ژیرچاوەوە خۆی مات دابوو بزانی چ مان بەدەستەوەیە، جەوادیش هاوکات لە گەل ئەویدا بە ئیشارە بە ناسری حالی دەکڕد هیچ نەڵیت بە منی وت " بەروو پشت چادورەکە و خۆت حەشاربە ، من دەروم لەگەل دایکتا قسەو خۆشوچلونی ئەکەم ، راوەستە تاکو من ئیشارەت پێ ئەکەم .
" دایکم بە چۆکڵیەک بە دەستیەوە خەریک شیواندنی ئاوری کوانوەکە بوو ، جەواد بە دەنگێکی ئامرانەوە گوتی :" ئەری ئەوە چی دەکەن ! دەتانەویت ئوردووگاکە بسوتینن ! بۆ نازانن ئاگرکردنەوە لەناو ئەم هەمووە خێوەتا چەندە مەترسیدارە !؟" " نە ، نە کاکە گیان ! ئاگام لێە، وشیارم، دەمەوێت بڕیک ئاوبەکۆڵینم، بۆ نان شەو منداڵەکانم " لە گەڵ وەلام دانەوەی بە جەوادا، کە دیار بوو نەیناسیوە و داچڵەکابوو ، بەرەو دەنگەکە رووی وەرچەرخاند، چاوی پێ کەوت ،
" ئەوە تۆ بۆیت جەواد گیان !؟" بەدەم پێکنینەوە " ئەرێ حاجی ژن خۆمم ! ببوورە لە ناکاو هاتم و داتم چڵەکاند! هاتم هەواڵێکتان بپرسم و بزانم حال وئەحوالتان چۆنە ! خەبەرات و دەنگوباس ؟ کەم و کەسریتان نیە؟ حسەین نەهاتووە بۆسەردان؟ " ناسر دەستی گرت بە بەردەمیەوەو پێدەکەنی ، دایکم بە سەرسوڕمانەو سەیری ناسری دەکرد و روولە جەواد بە روخساریکی نیگرانەوە پرسیاری کرد:؟
" چ بووە جەواد گیان ! هەواڵێکت پێە ؟ یەخوا خێر بیت " ، ناسر کە هەروا دەستی بە بەردەمیەو گرتبوو و خۆی بۆ رانەدەگیرا، خۆی لە چاودایکم دەدزیەوە ؛ " ئەرێ چیتە بۆ پێئەکەنی ؟ جەوادیش بە دەزی دایکمەوە ئیشارەی لە ناسر دەکرد، بێدەنگ بێت وهیچ نەڵیت، دیسان روو لە جەواد" دەی فەرموو دانیشە، ژێنی ئاواریی ئەوەیە کە ئەێبێنی، فەرموو دەی، ئاوا بە پێو ە رامەوەیسە، ئا ڵیرە، بە سەرئەم راخەرەوە دانیشە! ناشووکری نەبێت، تەنیا جێگای دانیشتنمان ئەمەتە! هەر ئێوە ساخوسەلامەت بن و بە دەس ئەم خوێنمژانەوە گەنجەکانمان تیا نەچن، لەمە زیاتر هیچمان ناوێت ، دەی فەرموو بە قوربانت بم جەواد گیان ! هەرچی تۆ ئەبێنم وائەزانم حسەینم دیوە، فەرقتان ناخەم بە قوربان ، ئیسە چایی لێ ئەنیم،باوک مناڵەکانیش دێتەوە!" جەواد لە گەڵ سپاسکردنی لە دایکم ، لە سەر قاڵی بەر خێوەتەکا دانیشت و دایکم بە نیگەرانیەوە سەیری حەرکات وسەکەناتی نائاسای ناسری دەکرد و هەستیکرد لە بەین ناسرو جەواددا شتێک هەیەو ڵێ دەشارنەوە، پڕسیارئامیز چاوی ڵە ناسر داگرت و سەری بۆ رادەتەکاند، چییە" ناسر لە وەلامی ئیشارەو پرسیاری بێ دەنگی دایکمدا وتی " بەخوا من هیچ نازانم " هەربۆیە رووی لە جەواد کردو وتی:" بەخوا هەواڵیکت لە حەسین هەیە؟ خۆ ئەزانم شەڕبووە و چەن کەس بەرینداربووە ........ جەواد روو لە من ، چاوەی بڕیبووە ناو چاوم ( ڵە پشت دایکمەوە راوەستابووم ) وتی :" بەڵێ دایە خەبەرم هەیە و ساقو وسەڵامەتە! ئاوەتە بە بەرچاومانەوە! ناسر خۆی پیڕانەگیرا، لە گەڵ دەسراکیشانی بۆ من، شریخەی پێکەنێنی بەرزەوە بوو ....
دایکم باوەشی پیاماکرد وتی " ئەرێ ڕۆڵە بۆ تاونەتاوێک ئاوا دڵم دائەخەن !؟ وەلا ئیتر بەرگەی ئەم تەکان و شکانانە ناگرم ! " من زانیم دایە! کاجەواد وتی، هیچ نەیەژم، ناسر بوو، بە پێکەنینەوە، دووپاتی دەکردەوە و، جەوادیش دەستی بە پشتیا دەهێناو دەی گوت" ئەرێ ئافەرین ! ناسرگیان، گەرەکمان بوو دایە دەلخۆش کەین بەلام وا دیارە کارێکی زۆر باشمان نەکرد ." بەلام من زۆرم پێ خۆش بوو! کا جەواد ! ئیژم وابکەین بە باوکم و مەنسوریش ؟" هەموومان بە پیشنیارە مندالانەکەی ناسر پێدەکەنین ، دیار بوو دایکیشم ئیستا ئیدی کەیفی ساز بوو و ڵەناخی دەڵەوە پێدەکەنی ، دەستی بەرەو ئاسمان راکیشاو و لە بەرخۆیەوە ورتەی دەهات، دیار بوو لە خوای خۆی دەپاریتەوەو، ماڵ و مندالەکانی سەلامەت و دەم بە پێکەنین بن ، گوێم لێ بوو وەک هەمیشە ئارەزوەکانی بێ جنێو دان و ئاواتی خراپە بۆ دوژمنان نەبوو، لە پەنای ئارەزووی سەلامەتی گەنجەکانی مەریوانا، سکاڵای ڵە خوا و شێخ عوسمانێ دۆڕوو و بیارە ئەکرد و بە چەپۆک کێشان بە سینەیا دەیگوت "ئەگەر راست ئەکەن و هەن، دەی هێمەتی بەنوینن، ئەم موفت زادەو .....خومینی و دوکتورچەمرانە تەفروتونا کەن با کەم ئیتر .....
"دایکە ! وادیارە ناو دوکتور چەمرانیش فێر بوویت و ناوت لە ناو رێزی دۆعا شەڕەکانتا تۆمار کردەوە !؟ "
" کورە لێ گەرێ کاکە حسەین ! دایکم وائەزانێ بە هاوارکردن و بەرۆک دادڕین لەم شێخ ومێخ و بزمارانە ، ئەتۆانێ کوردستان رزگار کات "
ناسری برای قسەخۆشم دیسان هەموومانی هێنایە پێکەنین هاوکات باوکم و مەنسوریش ( برای بچوکترم) هاتنەوە. بەدەمیانەوە هەستاین، بەدەم بەخێرهاتنی جەوادەوە رووی لەمن کرد وتی" چاوم بە هۆشنەگی هاوڕێتان کەوت!
وتی کە تۆی دیوەو وهاتویتەوە!" گەرەکم بوو لە گەڵ مەنسورا بدویم، بەلام خۆ ناسر ئیزنی نەدەداین و دەیویست چۆنیەتی نزیکبونەوەی من و جەواد بە چادورەکەو چاوەشارکیکەمان بەتام و بۆنیکی ئاودارەوەتێکەڵ کات بۆ مەنسورێ بگرینیتەوە، باوکم وادیاربوو برسیەتی سەرنجی قابلمەی سەر کوانۆەکەی دەدا و پرسی لە دایکم، "ئەرێ چێۆ لیناوە "؟ .
" بەریک سیفەزمینەم کوڵاندەوە بۆ سیفەزمینە ورۆن، چەن هێڵکەی کولاویشمان هەیە ، ئەگر بمزانیبا جەوادو حەسین تێن ، برنجم لێ ئەنا! "
" ئیسە باشە هەرچیەک هەیە بێهینە با بیخۆین و بڕۆین بۆ کوبونەوەکەی ئوردووگاە، ئەمشەو هەواڵی تازەو و خۆشیان هەیە !"
"چە هەواڵێک حاجی؟" جەواد دەیویست بزانیت .
" لەوێ خۆتان ئەی بیسن !"
" ئاخ ! حاجی تکایە بێژە پێمان ! بێگومان ئێوە ئەزانن ! دانیشتنێکی تازە بووە ڵە گەڵ نۆینەرانێ دەولەت؟ داخۆازەکانمانیان قەبوڵ کردەوە"؟ "دانیشتن کە نەپچراوەو هەر هەیە، بەلام نە، ئەوە نیە ! ئەوان بە تایبەت ئەم چەمرانە شەڕفرۆشە، زۆر یەکدەنەیە و هیچ داخوازیەک ناسلمێنێ، واپێشان ئەدا کە گوایا، پێ سەیرە، ئێمە دژایەتێ بڕیارەکانێ حەکومەتی عەدلی ئیسلام، بە قەوڵ ئەو ئەکەین، هەر هەڕەشەو گۆڕەشە ئەکات، کاک فوئادیش ژێرانە بە ئاکسیون و بەرخۆدانێ جەماوەری بەرینتری شارەکانی تری کوردستانەوە دەیانترسێنێ، ئەزانی چۆنە جەواد گیان ! من وائەزانم ئەوان خەراپ تێچەقیون و گێریان کردەوە، ئاخر باوڕیان نەئەکرد تەواو شار بە قەوڵ کاک فوئاد کات و شاربەجێ بێڵیت، ئیسەیش ئەترسن نەکوو ئەمتیازیک بە ئێمە بدەن و بەبێت بە ئۆلگۆیەک بۆ شارەکانێ کە، لەخوایانە ئێمە لە چادورنشینی و ئاوارەیی ماندووبین و سەرشۆڕانە بگرینەوە سەرماڵۆحال خۆمان ...." دایکم دای بەناو قسەکان باوکمدا وتی" ئیسە باشە، شێرێ لیرەو ڕێویەک لەوێ ! ئەو کورە پرسیارێ کرد! چ هەوالێکی تازە هەیە؟ ئەگەر ئەزانی بۆ نایەژیت ! ئەگەریش نازانیت، بێژە نازانم ، ئیتر ئەم خۆ موهیم کردنەی بۆ چیە !"
کۆتایی بەشی شەش