ئۆردوگای کانی میران بەشی ٥
دوای ئەوی دەستێکی دیکە هاتن و ئێمە بۆ ئیسراحەت گەڕاینەوە بۆ مالەکەی کا حسین، کاک حسین وتی" ئێوە ئیسراحەت کەن، من ئەشێ بڕۆم بۆ مەقەڕ کومەلە !". " ئای سوڵتانی ئەتوانم منیش لەتکتا بێم، ماندوو نیم !" بە سەرڕاوەشاندەنەوە وەلامی ئەری داوە و منێش لە گەڵی بەڕێکەوتم . لە ڕێگادا پرسیاری لە سەر چۆنیەتی بریندار بۆنی ئەمین کرد، منیش ئەوەی بە چاو بینی بووم و روی دابوو، گەڕانمەوە." بەحەقەت باشبوو (کاک حسین دەیگوت) زۆر شانسمان بوو کە لەو شەڕە بە چوار بریندارەوە رزگارمان بوو، ئەویش خەتای خۆمان بوو. " وایە راس دەفەرمون ئای سوڵتانی ! بەلام ئەو سەرەکە هێرش پاسدارەکانمان شکاندو پێم وایە ، زەرەر و زیان ئەوان زۆرتر بوو" .
" ئەری واسە ! ئەوان کوژراویشیان بوو! "جا کە واسە، ئەبی بە خوومانا بنازین، ئەرتشێکمان بە چەک و چۆڵی ئاسایی شکاند، ئەویش ئێمەی کە زۆربەمان بۆ هەوەڵینجار چەکی بە دەستەوە بووە!" "وایە ! ئەگر ئاوا لێکی بدیتەوە، ئەوان بە تۆپ و تانگ و هەلیکوپتری شەرکەر پشتیوانی ئەکران، بەلام دەبێ ئەویش بزانیت، ئەوانیش ڵە ئێمە کەم ئەزمونتر ئەگر نەبۆبیتن، وەک ئێمە بوون ! کوری رەش و روتی خەڵکی هەژار بوون، زۆربەی هەرە زۆری ئەو پاسدارانە، بێ سوادن، ئەونە بە ناو دێهات و شارە فارسەکانا، مەلاکان چوونتە مەنبەرو دژە کومونیست و کورد، دژی شۆڕش قسەیان کردوەو، هەڵیان خەلەتاندون کە ئەگەر ئێمە بکوژن دەڕونە بەهەشت و... لە رادیو گوێم ڵی بوو ئایتولایەیک ئەیوت" کوردەکان چەکدار پالیزبان و ساواکیەکانن و دەیانەویت شا بەگەریننەوە". ئاوا بە میلیونها ، خەڵکی بێ سوادو نەزانی شیعەیان هەڵخراندەوەو ناردویانەتە کوردستان بۆ سەرکوت کردنی مەدەنیت و ئازادی !" باشە ئای سۆلتانی ! ئەێ بۆ لە ئەرتەش کەڵک وەرناگن و ئاوا خەڵکە دیندارەکەی خۆیان بە کوشت ئەدەن ، خۆ ئەگەر ئەرتش هیڕشێ کردایەت رەنگە ئیسە تەپۆلکەکە و بگرە شاریشان بەگرتایەت؟ "
" خۆ بەلەوا پێتم وت کاکە گیان ! ئیمرو ئێمە شانسمان بوو و بە سەلامەت بزر و دەرچووین ! بۆ لە ئەرتش ئیستفادەیان نەکرد؟ ( بە شانهەڵتەکاندان و روخساری بێ ئاگابوون پێم راگەیاند، نازانم) لە بەر ئەوە هیشتا بە ئەفسەرەکان و ژنڕالە فرماندەکان باوەڕ ناکەن ، سیقەیان پێان نیە، ئەی بۆ رۆژنامەکان ناخۆینیتەوە ! رۆژ نیە وتاریک لە سەر پاکسازی، بازسازی و ئیسلامێ کردنی ڕێزەکانی ئەرتەشی تیا نەبێت ! " ئەها، من پێم وابوو ئیمرۆ ئێمە شاکارمان کرد !. تۆپ و تانگو و دەولتمان بە ژ٣ قورازەکانمانەوە تیکشکاند ! کەچی کوڕە فەلاو ، کورخەڵکمان کوشت ."
" نە،نە، براگیان! نابێ وا بیرکەیتەوە ! ئەرێ شاکارمان كرد، ئەو پاسدارانە راسە رەنگە ئەزمونیان لە ئێمە کەمتر بێت ، بەلام ئەوانە زۆربەیان مەکتەبین و بە ئیشتیای خۆیان هاتون ئێمە لەبەین بەرن، ئەوانە بگرە ڵە ئەفسەرو سەربازەکانی ئەرتشیش باشتر شەڕ ئەکەن، چۆنکوو ناترسن بە کوژرین و هێندە کەرن، پێان وایە ئەگەر بەکوژرین دەڕونە بەهەشت و حوریان پێ ئەدەن، زۆریکیان کەلیل دەرگای بەهەشتیان لە مەل کردەوە، راستە هەڵخەلتاون و ئایتاللەکان کەریان کردوون ، بەلام ئێمەیش چارمان ناچارە ، ئێمە بەرگری ڵە شارو ولانەکەی خۆمان ئەکەین و ناهێڵین داگیری کەن، بەرگری لە ئازادی و بیرو بروای خۆمان دەکەین. "
گوێم لە قسەکان کا حسین رادەگرت و بە سەر راتەکاندن بەڵیم بۆ دەکرد، لە ئاکامدا وتم " وایە ! ئای سوڵتانی ! ئێمە ئەبی بەرگری ڵە کەرامت و ئازادی کوردستان و ولاتەکەمان کەین !" گەیشتینە بەر مقەڕی کومەلە ! مقەڕی چی دەڵێ بە بەر کەبابخانەیکدا تێ پەریبووین ، بۆنی خۆشی کەبابی بەسیخا کراو، کە پیاو پێ وابوو، هەر ئیستە بەبەرچاوتەوە بە سەر مەنگەڵێکی پڕ لە سکڵی گەشا ، چزە چزی لێ بەرز بووتەوە و، ئاوزایە دممان و هەموو بێرو هەستێکی کەی لە مێشکا سڕیەوەو، جێگای دا بە حەزی گازگرتن و دامرکاندنێ خواست و نەوسی زک، زەکی لە برسا قۆڕە لێ بەرزەوە بوو. بە بزیەکی خۆشی مانادارەوە سەیری کا حسینم کرد، پەرەکانی لوتی ئەویش وەک هی من، دەلریەوە و بە مشەمش کردن بۆنە خۆشەکەی هەڵدەلوشێ ، هەردوو چاوی ڵە رووشنایدا ئەگەشاوە و بە پێکەنینیکێ خۆشەوە وتی وادیارە حەسین لە وەختێکی باشا هاتوین ! پێشمەرگەکان بە دەور مێزیکی دریژا خەریک خواردن بوون، کا عەبە لە گەڵ چاوی پێمان کەوت، وتی "لە کاتێکی باشا هاتن، بەخێر بێن! بێن دانێشن، کەبابخانەکەی کاک.... ئیمرۆ دەسی ناوەبەمالخۆیەوە و پێشمەرگەو و هیزی پاراستنی دەعوەت کردوە بە کەباب! بۆ دەستەو گروپەکانتریشم ناردوە ، نانەکەتان بەخوون. (روو لە کا حسین) دووای نانخواردن، قسە ئەکەین .
لە ناوەراست مێزەکا ، سینیەکی پر لە کەبابی کوترا، سەنگەکی تازە و تەڕەپیاز بوو، هیشتا کا عەبە قسەکانی تەواو نەکردبوو، لەتێکێ کوری سەنگەکیم هەڵكرت، بە دوو سێخ کەبابەوەوتڕەپیاز، بابۆڵەیەکی لولەکراوم بۆ خۆم سازکرد و دانیشتمە پای خۆاردنی، بە ئیشتیایەکی زۆرەوە دەستم بە خواردن کرد، کەس فەزەی لێوە نەدەهات، تەنیا ملچەملچ و دەنگی خواردن دەهاتە گوێ، ڵە خوایشم دەخواست کەس باس، پرسیارو قسەیەک نەهینیتە گۆرێ، تاکۆ بە ئیسراحەت نانەکەم بخۆم ، بەلام وادیار بوو هێندە ئەقبال بەرز نەبووم، چۆنکا کەسێک لە پشتەوە دەیدا بە سەرشانمدا و سڵاوی ئەکرد، دەبێ کێ بێت ؟ ئاوڕم داوە ، ئەها مەسعودی هاوڕێم، هاوڕێ سنەیەکەم ، هەستامە سەر پێ، ئەملاولایم ماچ کردو بە گەرمی بەخێر هاتنیم کرد.کا حسینی فەرماندەمان بە سەرسوڕمانەوە سەیرمانی کرد و پرسیاری کرد" بۆ ئێوە یەکتر ئەناسن؟" ویستم وەلامی کاحسین بە دەمەوە، مەسعود قسەی کە دەمم گرت و وتی " ئەری ئەم کورە باشەم بۆ هەوڵینجار ڵە چاخانەکەێ ... بینێ ( رووی لە من کرد و دیسان وتی چاوم رۆشن) نامەیەکەم لە لایەن هاوڕێیانی سنەوە بۆ کاک فۆئاد هێنابوو، لە گەڵی ئاشنابووم ، لەوکاتەوە ، هەر رایەک بۆ مەریوان بیم ( دەستی خستە دەور ملـم) ئەشێ ئەم هاوڕێ خۆشەویستە ببینم !
کا حسین پێما ماقی بردبووەو چاوی لەناو چاوم دوور نەئەکرد، بە چاوەکانیا دەمزانی بیر لە چ دەکاتەوەو چ دەڵێت، بە چاو تروکاندن ولامم داوەو و پێم راگەیاند، ئەرێ کا حسین، ئای سوڵتانی منیش ئەم هەڤاڵانەی کومەلە دەناسم !" دەێ مەسعود گیان دانیشە، تیکەیەکت بۆ بگرم!؟ خەبەرات سنە ؟ کەی هاتی؟ "کا حسین پرسیاری ئەکرد و دەیەویست ئاگاداری هەڤاڵەکانی سنە بێت . "دەست خۆش بێت کاک حسین ! وئللا فرە نیە ، شایەت نیم سەعاتێک، خەوەری قابل عەرز نیە، لە سنە، تەنیا باس، باس مەریوانە! " "دەی ! دەی ! چۆن باسی ئەکەن؟ خەڵک ئێژن چیی ؟ پێان باشە؟" (کاک حیسین تامەزروی بیستنی را و بۆچۆنی خەڵکی سنە لە سەر بەرخودانەکەی مەریوان بوو. سنە یەکیک لە شارە هەرە گەورەکانی کوردستانە و جگە لەوە پاریزگای باشووری کوردستانی ڕۆژهەڵاتە، لە بواری ئەدەب و هونەردا ،جێگا پەنجەی سنەو سنەیەکان نە تەنیا لە کوردستان بەڵکو لە ئێرانا دیارە، گرنکتر لەوە بۆ ئێمە وەک ئەندامان و چالاکانی ڕەوتی کومەلە نرخێکی تایبەتی هەیە ، چونکو زۆربەی تین و تۆژم، هیزی مادی و فکریمان لە و شارەوە سەرچاوە دەگرێت) .
"ئەم کۆچ و ئیعترازە دەسەجمیە، نە تەنها لە ناو ئەحزاب و سازمانگەل سیاسی، بەلکەم لە ناو مردمیشا دەنگ فرەی داوەتەوە، بەراسێ ئەشێ تبریکتان پێ بێژم ! عەجب ئیبتکارێ قەشنگ بووها، دەستان خۆش بێت ، لە ناو تاریخا سەبت ئەوێت، فەرەیەک ڵە حیزب و سازمانگەل بەتایبەت چەپەکان بە ناباوەڕیەوە ئەهاتن بۆ دەفتەرەکەێ ئێمە، کە بزانن واسە یا نە، فکریان ئەکردوو مومکنە شایعە بێت ، گەرکیچیان بوو بزانن، ئایا ئێمە وەک کومەلە ئەو حەرەکەتە ئیعترازیمانە سازمان داگە، ... ئێمەیش وتمان، ئیبتکار شورای شارمەریوان بووگە، دروسە سخنگۆی شورا کاک فوئادە ، باووڕ کردنی بۆیان ئاسان نەبوو، ئاخر ئەزانی چلوونە ئاحسین، بۆ ئیمەیچ خۆمان قابل هەزم نەبوو، کەم نیە ها کۆمپلت شاریک بە یەکەوە، هەماهەنگ شار بەجێ بێڵن و روو لە جەنگەل کەن، قسەی خۆمان بیت، کەمێک سەختە، بەهەرحال دوا یئەوە، چەن خانەوادەیەک لە مەریوانەوە بە بارو وەسائلەکانیانەوە هاتن و وتیان شورای شار لە ترس جەنگا (شەڕ)، دەسور خالیکردن شارێ داگەو و مەردم چۆگن بۆ جەنگەلەکانی (دارستانەکانی) مەرز عیراق، ئیترمەقۆ،مەقۆ کەفتە ناو شار، ئەونەمان زانی، لە بەر دفتەر مەقڕا مردمێک فرە جەمووبوون و گەرەکیان بوو کۆمەک کەن، ئێمەیچ لە خواخواستگ، فرستیک دەسیداوە بۆ کۆمەک کڕدن بە براو خۆیشکە مەریوانیەکانمان فرەیەک وەسایل وەک چادور و پەتوو، موادخۆراکی و وسائل پزشکیمان جەمۆکڕد. بە کامیونیک گەورەوە لە تەک هەشت نفرا روانەمان کرد، ئەو کەس گەلیشە بوو ئەوە هاتوون کە بزانن چە فرەتر لازمە تا بە سری بعدی بینئیرین . ئەوە بۆ بە سەر بارەوە و هەشت نەفرەکا، ئەوە قۆمیا کە خۆتان ئەزانن . !"
"چ بووە ، چ روویداوە؟ ئێمە ئاگادار نین مەسعود گیان !؟ چاومان بڕێبووە ناو چاو مەسعود، مەحتەلی ولامی مەسعود بووین، ئەو نەتەنیا هیچی نەدەگوت بەڵکو لە تووڕەیدا لیوەکانی دەکروژان و چاوەکانێ نیگەرانی و ترسی لیدەباری، بویە کا حیسین دیسان پرسیاری کڕد : "بارهەڵگرەکە بە کەلۆپەلەکەوە هەلگراوەتەوە؟ تۆشێ زەرەرو زیان بوون؟ "بەڵی وەلی چۆن بیژم !". کا حسین قسەکەی پی بڕی و وتی: "کەس کوژراوە ؟" نە نە ، نە کەس کوژیاگە، نە تصادف بۆگە !" مەسعود بە پەلە ولامی کا حسینی داوە و دەستی بە گەڕانەوەی رووداوەکە کرد."جەریانەکە ئاواسە کە، ئەو چەن نەفەرە، گەرکیان بوو، سریع وەسایڵەکان بۆ ئوردووگا بێرن ، بۆ خاترئەوە، لە ڕێگا کوتاکەی، گارانۆ، لە بەر پادەگان موسکەوە هاتن ، نەیان زانێوەو لینە کونترول ئەکەن، پوچکێ لێنەو هاتن، پاسدارەکان کامیونەکەیان لە تەک هەر هەشت نفرەکا گرتگە، بردگیانەسە ناو پادەگان، ئیسە ئێمە نارەحەتین شاید ئەتفاقیکیان بۆ کەفیت ، خوا نە خواسە... ".
هەوڵێکی دەڵتزین ومەترسیدار بوو، هەشت کەس خەڵکی سنە کە بۆ یارمەتیگیاندن هاتوون، یەخسیری دوژمن بوون. هەستاین و چوینە دیوکەی کاک عەبە. کا حسین لە کاک عەبەی پرسی: "هەوالێکی تازەی ئەو هەشت کەسی سنەت لە پادەگانەوە پێ گەیشتووە؟
"هەشت کەس نین، شانزدە کەسن!" وەلامی کاک عەبە بوو کە لە درێژەی ولامەکیا وتی:"چەن ماشینی دیکەیش، بیئاگا لەویوە تیپەربوون، گیراوون !."هەموومان بیدەنگ و کەژ دامابووین، دیاربوو هەرکەسەو لەمێشک و بێرخۆیدا خەریک لیکۆڵینەوەو رووماڵکردنی رووداوەکەن، ئەمن بۆخۆم وا بیرم دەکردەوەو و پەیتا یەیتا قسەکەی جەوادم، کە چەمران وەتبووی ("من برای رزم امدەام ، نە برای بزم") دەهاتە گوێ ؛تۆ بڵیت ئەم سەگ بابە ئەو کەسانەی لە باتی شەڕەکەی ئەمڕۆی سەر تەپۆلکەکە گرتبێت، تۆڵەی شکستەکەیان کەنەوە؟ ئەشکەنجەیان بەن، ڵە سیدارەیان دەن تاکۆ دڵی هیزە تیشکاوە، زامارەکەیان تیمارکەن !؟ جاخۆ گەر وابێت، یانی ئێمە بووین بە باێس ئەو خەڵکە بیتاوانە؟، بەتایبەت ئەو هەشت کەسە کە لە سنەوە بۆ پاڵپشتێمان هاتبوون،چۆن جوابی کەسوکارێ ئەو بیتاوانانە بدەینەوە؛ نە، خۆ ئێمە هێرشمان نەکردبووە سەریان تاکۆ ئەوان تۆڵە کەنەوە، ئەوان پەلامار ئێمەیاندا و ئێمەیش دەبوا لە خۆمان بەرگری کەین و هیرشەکەیان بەرپرچ بدەینەوە. دەنگی زەڕەی تەڵفۆن و بە تەلفون قسەکردنەکەی کاک عەبە، لەو خەیال و بیرکردنەوە دوورمی کردەوەو و گوێم لێ بوو، روو لە کا حسین کاک عەبە دەڵێت:" ئەو تڵەفونە لە سنەوە بوو! ئەڵین سنیەکان بە رووداوەکەیان زانیوە و رژاونەتە بەر مەقەڕ کومەلە و خەڵکیکی زۆریش لەبەر ئوستانداری و شورای شارا کوبوونەتەوە ، بەتایبەت ئەڵین کەسوکار ئەو هەشت کەسە زۆر بیتاقەتن و ئەیانەویت بۆ رزگاریان کاریک کەن، شورا لە گەڵ ئوستاندارا( بەرپرس پاریزگا) قسەیان کردەوە، ئوستاندار وتویە ئێمە بی دەسەلاتین و هیچمان لێ نایەت، بە راویژ ئەوان و لە لایەن ئەوانەوە لە گەل وەزارەتی ناو خۆ لە تارانا قسەیان کردەوە، ئەوانیش بە هەمان بۆچوون خۆ ئەدزنەوە و ئەڵین نە ئەویرین و نە دەتوانین لە سەر قسەو بریاری چەمران شتێک بڵێن، چونکوو چەمران نوینەری تایبەتی و هەمەلایەنەی خومینیە !" .
پیشمەرگەیەک بە پەلە هاتە ژوورەوە و وتی :"کاک عەبە چەن رۆژنامەوان و هەواڵنیر خارجی لە گەڵ دیلماجیکا هاتونتە بەر مەقەر و ئەیانەویت لەگەل شورای شارا مۆقابیلە کەن !" باشە ! بیان بن بۆ ئوردووگا بو لای کاک فوئاد و ئەوان !، بەلام ئەشێ کەسێکی خۆمان لەگەلیانا بروات و رووداوەتازانەش بە کاک فوئاد بەگەیەنێ ! باوەر ناکەم هیشتا کاک فوئاد ئاگادار بێت!"فرسەتی لەمە باشترم دەس ناکەویت، بەخۆم گوت و خێرا رووم لە کا حسینی فرماندە کرد و بە رووخسارێکی پارانەوە ئامیز پرسیارم لی کرد:" ئای سوڵتانی ئیزنم ئەدەی لە تەکیانا بڕۆم بۆ ئوردووگا، چاویکم بە دایک و باوکم کەویت!؟" کا حسین، منگەمنگێکی کرد و ئەیوت ئاخر، ئامادەباشین ! سەرەنجام دوای بیرکردنەویەکی کورت ئیزنمی دا وتی :" باشە بڕۆ، بەلام ئەشێ بەیانی هەتاکو سەعات ١٢ خۆت بەگەینی بە دەستەکەمان، تا ئەو کاتە ئەگەر شتێ روونەدا، هاین لە پشووداناا
ئەگەرتەنیا بیرم لەوە کردایەتەوە ،خەڵک ئەم ڕێگایان بە پێ و لە شەودا بڕی بوو،من ئیستا لە لاتەنێشتی شوفیرەکا رەحەت پاڵم لێ دابوەوەو،بەرەو کانی میران و ئووردووگا دەرویشتم،خۆم بە بەختەوەر دەزانی،بەلام خۆ ئەمە بۆسەیرانچوون نەبوو، وەک جاران کە بۆ سەیران کردن لە لای ئیمام و مەلاقوبی لە شار دەرئەکەوتین نەبوو، ئاخ جاران چەندە خۆش بوو،هەر لە گەل نەورۆز دەهات خۆمان تەیار ئەکرد تاکۆ هەوڵین و دوهەمین چوارشەمەی دواێ نەورۆز لە خەڵکی دوا نەکەوین و زووتر لە سەیرانگا بین، جیگایەکی باشمان دیاری دەکرد و هەتاکۆ درەنگانی ئێوارە، یاری چاوشارکێ، هەلوکان و....ئەکرد؛ ئەری ئیسە خەڵک لە ترسا و بۆ بەرپرچدانەوەێ داگیرکران ،شەڕفرۆشانی ئیسلام شاریان بەجێهێشتوە و باوەر ناکەم دەڵوودەماخێ هەڵپەرکی و شاییان بیت. شەوقی پر تین و روناکی هەتاو دەیدا بە ناوچاومانا، ئاسمان شین و خۆرەتاوی بوو، چەن پەڵەهەوری بچوک بە دووی یەکدا بالیان گرتبوو و بەرەو کانی میران دەڕویشتن، دیلماجەکە بە ئینگلیزی شتیکێ بە دوو خەبەرنیگارەکە ،وت و دەستی راکیشا، وا تیگەیشتم کە هەورەدوکەڵێکی رەشیان پیشان دەدات، ئەو پێشمەرگەش کە لە گەل هەوالنیرەکان هاتبوو، تیگەیشت و وتی :" بەڵی ئەو ئوردووگاکەیە و دووکەڵی کوانوو و ئاگر کردنەوەیە، پاشان بۆ دیلماجەکە دەیگەرانەوە کە چۆن خەلک لە بەر خێوەتەکەیانا بە بەرد، کوانویان سازکردوەو، بە داربەڕوە وشکەکان ئاور دەکەنەوە و چاوو چیشت سازدەکەن، موترجیمەکەش بە زمانێ ئەوان دووپاتی دەکردەوە، یەکێک لە خارجیەکان بە پێکەنینەوە وتی: "ئاو! پیک نیک " پێشمەرگەکە لە وەلامدا بە بزەوە وتی " پیک نیکی چی خاڵو! ئەوە لە ناچاریدایە! باشە بە راس ئێوە لە ئیگلیزەوە تایبەتی هاتوون بو هەواڵ کوچەکەی مەریوان؟ دیلماجەکە کە دیاربوو فارسە لە وەلامدا بە فارسی وتی:" نە ئێمە لە تارانا، لە بنکە ی هەوالنێری بی.بی.سی ئیش دەکەین، هەر کە بیستمان یەکسەر بەرێ کەوتین، وابزانم دتوانین بەر لە دەسگا هەواڵنیرەکانی کە ڕپورتاژیکی باش لەمەڕ ئەم جوڵانەوە بەدەگمەنی شارەکەتان ساز کەین و دەنگتان بە دونیای ئازاد بەگەیەنین!"
"زۆر باشە، بەخێر بین ! ئێمە پێمان خۆشە، هەواڵە دروست وراستەکان بە گوێ دنیا بگات، خۆ رادیو و رۆژنامەکانی حکومەت بە غەیری درۆدەلەسە هیچی کە بەخەڵک راناگەیەنن! ئەشێ ئێوەو و هەوالنیرەکانیتر بە دونیادا بڵاوی کەنەوە کە لەم ئیرانەدا ئێمەی کوردیش هەین، کوردوکوردستان ، وەک ئەم ئاخوندو و آیتاللە مێشک وشکانەی پوخڵە نین!" کاکی پێشمەرگە دەوری هەڵگرتبوو و دووپاتی دەکردەوە" ئێمە پێشمەرگەی کورد دژی هەرچەشنە بێماڤی و چەوسانەویەکین و خەبات ئەکەین بۆ بەرابەری ئینسانەکان..."
گەیشتینە ئوردووگا، چڕودووکەڵی کوانوی بەر چادرەکان کە لە دووروە چادرەکانی ڵە خۆ نوقم کردبوو، ئیستا ئیدی نیدەتوانی بریقەی سپی چادورو خێوەتەکانمان لێ بشاریتەوە، لە نێو دارستانی داربەڕووەکانا و فەرشی سەوزی دەشتەکەدا، سەوزلانی رەشداهەڵگراوی دارستانەکا، سەدان چادور هەڵدرابوو، شارێک لە چادورو خێوەت، هەزاران کەس لە بەین ئەم دارو چادورانا، لە هاتووچوودا بوون. لە بەر درکەی ئوردووگاکەدا ماشینەکەمان، لە لای چەن ماشینی دیکە، پارک کرد، بەومانا درکە ! چوونکو دیاربوو لە سەرریگاکەدا کە بەرەو ناوەوەی ئوردووگا دەرویشتی بەسەرپارچەیەکی مۆریەوە کە لە مەلافەی سپی دەچوو، بە سوور نوسرابوو، " ئێمە خەڵکی مەریوان دژی شەڕین!"، هەروەها لە چەن شوینی ترەوە بە دەورئوردوگاکەدا چەنها پلاکاردی دیکە هەڵواسرابوون ، زۆربەیان لە پارچەبوون، بەسەر هەموویانەوە دژ بە شەڕو داواکاریەکانی خەڵک وەک، ئێمە پاسدارمان ناویت و... نوسرابوون؛ روژنامەوانە بیانیەکان دووربین و کامەراکانی خۆیان دەرهێناو و کەوتنە رەسم و فیلم گرتن. ئەوانم بە جێ هیشت و بە دەوورو پشت ئوردووگادا دەسوڕامەوەو بەحتوو ماتەم دامی گرتبوو، وەک پێشتر ڵە گەل داب و کولتوری سەیران چوونی مەریوانیەکان ڵە کاتی بەهاردا بەراوردم کردەبوو، نەدەچوو، ئەو کاتانە خاوخیزانی دەیان بنەمالە پێکەوە لیباسی جەژن وجوانیان لەبەر دەکرد، خۆیان دەرازاندەوە و بە گۆرانی و قاقای پێکەنینەوە خەریک سەماو کیفەی خۆیان بوون، ئیستا بەریکیان دانەخستبوو، بەلکو چادور بوو کە بە گوریس بە دارەکانەوە بەسترابوونەوە، و مالاهایەکی چکولە بوون کە ڵە تەختەو حەلەبی ،ساز کرابوون، دەتگوت بومەلەرزەیەک هاتوەو، هەرچی ماڵ و باڵەخانەیە وێران بووە، نە بوومەلەرزە کە دێت، نیشانەکانی وێرانی پێوەدیارە، لە بۆمەلەرزە نەدەچوو، چونکو هیچ ئاساریک لە خشت و چیمەنتوو دیار نەبوو، زۆرتر لەو حەکایتەکەی زرێبار دەچوو؛ دەیگیڕنەوە گوایا زرێبار شارێکی گەورە بووە، دەرویشێک لەتاو زوڵم وزۆری حاکمی شارەکا ئوقرەی لێ بڕاوەو دوعای کردوەو، ئاوانی خواستوە شارو حاکمە زۆردارەکەی لە ناو ئاوا نوقم بن. ئەرێ زۆرتر لەوە دەچێت مەریوانیەکان لە تاو زوڵم و زۆری ئیسلام ، چەمران و خومینی دا، ئاواتیان خواستبیت، شار نوقمی بن عەرز بێت، دەنا خۆ خەڵکەکە هەمان خەڵکن، دووکاندارەکان هەمان دووکاندار و..... دەی ئەی بو ئاسەواریک لە شەقام و ماڵ و دیوار و چرای سەرچوارڕاکان و.... نیە !!؟؟ بە سەر چادوریکەوە نۆسرابوو "آطلاعات "(پڕسگە) باشتر ئەویە لیرە پرسیارکەم، بزانم ماڵی ئێمە، دایک وباوکم لە کویە؟ دەنا لە بەین ئەم هەمووە خێوەتا ناتوانم بە هاسانی پەیدایان کەم، رویشتمە بەرەوە، دەیان کەس قەتارەیان بەستبوو، ئەوانیش 0وەک من پرسیاریان هەبوو، وادیارە بەم زۆانە سەرەی من ناکەویت، لە پشت پڕسگەکەوە، گەنجیکم بینی، رادیوزەبتێکی گەورەو بلندگۆیەکی دەستی بە دەستەوە بوو، پرسیاڕم لێ کرد:" ئەرێ کاکە گیان! زەحمەت نەبێ، دەزانی بنەمالەی حاجێ حەسەن لەکویە!" .
" باوکتم ڵێرە بێنی کا حسەین! "ئەم کورە دەبی کێ بێ؟ ئەمن دەناسی و من ئەو ناناسم؟ سەیرم دەکرد بیناسمەوە، بی سەمەربوو، نەم دەناسی ، ئەزانم خەلکێ گەرکەکەی خۆمان نەبوو، بڕێک بیریکردەوە و بە پێکەنینەوە سەری ڕاشەکاندو وتی:" وادیارە نامناسی، بەلام من حاجی صحیحەی (راستە) باوکت و بنەمالەتان دەناسم ! ناوچاوم لێ گرژداو بە بۆغزەوە چاوم بڕیە ناوچاوانی ؛ گاڵتەی بە باوکم دەکرد، گوایا باوکم لە چەن کۆبوونەوە و متێنکێ ناوشاردا بە پێ خۆشبوونی وتەی وترکە، بەدەنگی بەرز قیراندبووی " صحیحە " (راستە ) ئەو وشەیە بوو بوو بە بنیشتەخۆشەی دەم جەماعەتێکی بێکار، کە هەمیشە بە دووی ناونێتکە لێدان بە خەڵکدا دەگەڕان بۆ سووککڕدن و گالتەبازاری مەجلیس و کۆڕوکومەلەکەی خۆیان، هەر بویە نازناوی حاجێ صحیحەیان بڕیبوو بە سەریا؛ دیسان بە پێکەنینەوە وتی:" دەزانم لێرەن، بەلام ،باوەر کە لە بیرم نەماوە لەکام شوینا نێشتەجێ بوون، ئەتۆانم ئابەم بڵندگۆ بانگەوازیان بۆ کەم ! "" نە، نە! پێویست ناکا، سپاس!"
کۆتایی بەشی پێنج