ئوردووگای كانی میران بەشی ٤

 بە سەرلەقاندن ئەریم بۆکرد و رویشتمە ماڵەوە، هاڕێیانی دەستەکەمان هەموویان لە دوو دیوا خەوتبوون، لە تەنیشت یەک ، جێگایەکی خاڵیم بۆ راکشان نەدۆزیەوە ، تەنانەت یەکیکیان لە سەر سەندەلیک بە دانیشتانەوە خەوی لێ کەوتبوو، بە ناچار لە رەێرەوی بەین هەردوودیودا لە سەرقاڵیەکی چکۆلە دا راکشاوم و هەردووچاوەم بەست بەڵکۆ خەونم لیێ کەویت، بێ سەمەر بوو، لەناو ئەو هەموو خرۆپفەدا خەوتن مانای نەبوو، بە ناچار لە سەرجێگاکەم دانیشتم و تەواوی روداوەکانی رؤژ وەک پەردەی سینەما بە بەرچاومدا دەهات و دەڕوین . لە تاریکی و روشنی دەمەوبەیان یەکێک بە دەنگ بەرز دەیوت "حسەین ! حسەین ! " دەبێ کەی  بیت ؟ بۆ ناهێلێ بەخەوم؟ بە دەم خەونەوە  وڕاوەم ئەکرد،  کەسێک کە دەستی بە شانمەوە گرتبوو و رایدەشەکاند، دەبێ چ سەگبابیک بێت؟ ...پاسداری؟  تەواوی لەشم لە ئیشا مڵورانەی ئەکرد ، داچڵەکام و بە  زۆر چاوی ماندووم کردەوە ، ئاخ بوەخشە!  کا حسین سولتانی بوو؛ ماموستای ریاضی مەدرسەم و فەرماندەی ئیستای دەستەکەمان ؛.  وتی" بەیانیت باش حسەین! ئاگاداربووم دەرنگان هاتیتەوە و ماندویت، هیشتم کەمێک فرەتر بەخەویت ، لە ناوخەوا قسەت ئەکرد، زۆر کاتمان نیە ، بڕۆ دەستودەموچاوت بەشۆرەو پیاڵەیەک چای بخۆ ، ئەشێ بڕۆینە جێ ئەو دەسەی ئیمشەو کە لە سەنگەر بوون!  "ا                                         

" بەبورە ئای سوڵتانی ! بە دەم خەوەوە شتێکێ خراپ بە دەممدا نەهات؟ "بە پێکەنینەوە وتی " نە ! نە ! خەمت نەبی شتێکێ زۆر خراپت نەوت، لە خەوا ئینسان ئەتوانی هەموو شتێک   بێژیت!  کەمی پەلەکە  زوو خۆت گۆرجۆکە  بڕۆ چاییەک بخۆ ئەشێ بڕۆین !" لەبەر شێرئاوەکەی حەوشدا هیشتا خەریک دەمووچاو شورین بووم ، یەکێک لە هاوڕێیان پیالەیەک چای دا بە دەستمەوەو وتی " لە ئاشپزخانەکەشا  نان و... هەیە بۆ خواردن "، "سپاس برسیم نێە ! ئەم چایە بەسە!"

دوای نان و چا خواردن لە پشت داسیرانەوە رویشتینە سەر ئەوتەپۆڵکە، کە بە سەر پادەگانا دەیڕوانێی، ئەو دەستەی کە شەو لە سەنگەرا بوون گەرانیانەوە  کە شەوی رابردوو ئەرتەش پەیتا پەیتا ناوچەکەو، دەورو پشت خۆیان و تەپوڵکەکەی بە خومپارەی منەوەر خومپارەباران ئەکرد، بە جۆرێک کە تەواوی ولات وەک ڕۆژ رۆشن بوو، ئەمین بە پێکەنینەوە وتی"  خویڕیەی ترسنۆکانە، لە ترسانا زیڕەیان کردەوە، حەتم تاکوو بەیانی ، خەو نەچووتە چاویان،  ! وایان زانیوە لە تاریکی شەودا هیرش ئەکەینە سەریان ! خۆ خوێریانە دەبوا بیان زانیبا شورا و کومەلە  لەوانە نین بەن بەژێرقەوڵەکەیانا،  بە چەمران و دارودەستەکەیان  وتبوو شەڕناکەین....!" یەکیک لە هەواڵە پێشمەرگەکان وتی" مەبەستت چیە ئەمین ! بۆ ئاوا بە تەنزو لەفافا قسە ئەکەیت ئەتەوی چ بڵیت؟"  ئەزانی چی! ئەمین لە وڵامدا دەیوت: " رابەرایەتی کومەلە  ئیژێت ئێمە نامانەویت شەڕ کەین! من بوایەم خێرا ئەم پادەگانەم  چەک ئەکرد، هەر وەک چۆن شارەبانی شارمان چەک کڕد، پەیتا پەیتا بەم هەیئەت و دارودەسانە  کە تێن بۆ موزاکرە بێژی شەڕناکەم و .. دەری ناهێنیت ! ئەم جەنایتکارانە تەنیا زمانێک کە دەیناسن و پێ قسە ئەکەن ، زمانی هەڕشەو و شەڕە! پیاو دەبێ بە زمانی خۆیان لە گەڵیان بە دویت ! لە گەڵ ئەمانەدا بە زمانی ئاشتی و متمانەوە نابی بدوین ، ئەمانە  دەبێ بە گولە جوابیان بدرێتەوە ، حەیفەکەم، ئەگەر من دەسەلاتم بە دەستەوەبوایەت دەمزانی  چێ ئەکەم ! بە داخەوە...لە وەلامی ئەمینا هەواڵی پێشمەرگە بە بزەوە  چاوی بۆ نوقاند، دیار بوو گاڵتە بە وتەکانی  ئەمین ئەکات ، هەربۆیە وتی " باشە کاک ئەمین ! وا بزانە دەسەلاتداری، ئەگەر بڕیار بە دەس جەنابتو بۆایەت، چەت  ئەکرد؟"                             

"هەرئەمشەو هێرشم ئەکردە سەریان و پادەگانم چەک ئەکرد"  

هیشتا قسەکان ئەمین تەواو نەبووبوو، لە پڕا دوو هلیکوپتری سەربازی  بەسەرمان دەسووڕانەوە لۆتیان بەرەو خوارەوە کرد.  " بەپەرنە ناو سەنگەرەکان !"  ئای سۆلتانی بوو کە، بە دەنگی بەرز لە یەکێک لە سەنگەرەکانەوە هاواری دەکرد، "خێرا، راکشێن و تەکان و جولەتان لێوە نەیەت !"   بازم دایە نزیکترین چالەسەنگەر، زۆر قوڵ بوو، یەکێکی کە خۆی تووڕدا بەسەرما ، زریکەیەک بە پشتمدا هات و هەناسەم بڕا، بەرچاوەم تاریک بوو، دەمەوروو بەناو سەنگەردا ، راکشابووم و ئەویش بە سەرپشتمەوە، ڕێزەیەک هەناسەم  کیشا و تەنیا توانیم پچر، پچر بڵێم " ئەوە بۆ وەهات کرد؟"  بە دوای زرمەی دەنگی تۆپیاران دا، دەتگوت بە سەرماندا تەقیوەتەوەو، گویم بو ماوەیەک کپ بوو، کێویکی وردە بەرد و خۆڵ بە سەرهەردووماندا باری، ئەوی بە سەرپشتمەوە راکشا بوو و باوەشی پێمدا گرتبوو بە ئەسپای هاتە زمان و وتی "  خەجاڵەتم ، ئەگەر بازم نەبردایە، بە راکتی ئەو هەلیکوپترانە هەلاهەلا ئەبووم " ئەمین بوو، هیشتا پشتم لە ئازارو و ئیش دا ژانی ئەکرد ، هیواشی خۆمم وەرچەرخاند تاکو  لە گەڵ ئەمینا بتوانین لە تەنیشت یەکتر خۆمان بە ناو سەنگەرەکەدا بەنوسێنین، تاکو پریشکەی خومپارەباران کە ئیستا لە پادەگانەوە بە چڕی و بێ بڕانەوە ، بە سەرماندا دەباری نەکەوین.لەدووەوە دەنگی فەرماندەکەمان کاحسین ئەهات: "  کەس لە سەنگەرێ خۆی تەکان نەخۆا ،  کاکە مەڵ مەکێشە دەرەوە "  دیسان  بە چڕی هاوکات لە گەڵ خومپارە بە تۆپیش بوردمان دەکراین ، ئەمین کەوتەبووە قسەکردن و ژمارەکردنی  تۆپەکان و پی وابوو دەزانی کامەیان گولەتوپی دەبابەو و کامەیان  تۆپی ١٢٠ میلێ و ... توڕە بووم ،  داخۆڕیم بە سەریا، "کورە هەتیو دە ئیترواز بینە !  ناوی چ تەڕەماشیکە ! خۆ خنکاین لە   تاو تەپۆوتۆزو و دووکەڵاو تۆیش لە بیکاریدا خەرێک ژمارەی و..."،  لە ناو بۆنی پیسی باروت، خۆڵو  و تەپوتوز... قوڕگەم گیرا بوو و پەیتا پەیتا ئەقۆخیم، ئەمین بە ئەسپایی دەستی دەکوتا بە پشتما، تاکۆ ڕێێ هەناسەکێشانم  ئاوەلا کا، بە چاوی پڕ ڵە فرمێسک لەتاو کووخە، بە دەوروپشتی سەنگەرەکا دەمڕوانی، دە متر ئەولاترمان نەدەتوانی ببینین !    بە نیازەی ئەوەوە شتێک بە ئەمین بڵیم،هەڵگەڕامەوە و رووم لێ کرد، ، پیکەنێن و قۆزە هەناسەی لێ بڕێبوم. "چیە !؟  بە چێ پێئەکەنێ؟ "  ئەمین دەیویست بزانیت . بە  پێکەنینەوە وتم: "  دەموچاوەت ! چاوەت بە خۆتەوە  نیە ! وەک حاجی فیروزەت لێ هاتووە! دەموچاوەت ئەونە ڕەشە، ئەڵێ  بن مەنجەل وتیانەیە" !بەراستی، ههههه! "  ئەمجار ئەو بە من گاڵتەێ ئەکرد و دەگۆت " چاوەت بە خۆتەوە نیە! دیانەکانت، وەک چرا، لە ناو تاریکە شەوا ئەدرەوشیتەوەو؛  خۆزگە ئاوینەیەکم پێ بوایەت و روخسارتم  پیشان بەدایەت ....

"  وریا بن!پاسدارەکان بە تەمووی یاڵەکا کشانە سەر !"پێشمەرگەیەک لە دورەوە هاواری کرد.  لە هەموولایکەوە  قرچە،قرچی چەکی سووک و ویزەویزی گولە بەرزەوە بوو! بە ناچار هەموومان دەستمان كرد بە تەقە،  پاسدارەکان بە سینەخێز هێندە نزیک بوو بوونەوە کە پێویستمان بە نیشانەگرتن نەدەکرد و پەیتا پەیتا پەنجەمان بە سەر پەلەپیتکەی چەکەکانمانەوە دەجۆلایەوە و تەقەی لێ بەرز دەبووەوە . بارانی گولە لە هەر دوولاوە ڕێژنەی ئەکرد، ئەمین هەول بووبوو و ‌‌‌عەرز و سەنگەر نەیدەگرتە خۆی، لە سەریەک ڕێژنەی گولەی چەکەکەی و جنێوی دەمی رو لە پاسدارەکان شڕیخەی دەهات. "ئەمین تکایە وریابە" گوێ نەدەدا،گەرم داهاتەبووچرکەساتێک مۆڵەتی بە چەکەکەی  نەدەدا، منیش لە ترسا ئۆقرەم لی بڕابوو، بە قسەی نەدەکردم، ناچار دەستم بۆ ناو قەدی راکێشا، بە هەوارێکی لەرادەبەدەر بەرز قیژاندەم بە سەریا " دانیشە، ئاوا بە پێوە گولەئاژینت ئەکەن "  بەڵام خۆ ئەو نەیدەبیست و نەدەیویست ببێسێت، ئاخ... داراوە بە سەرما، چەن گولەی بەرکەوتبوو و دەنگی بڕا،  خستمە ئەولاوەوە و خۆم لە ژیر لاشەی قۆرسیا رزگار کرد، حەپەسابووم پێم وابوو تازە ئەوکوژراوە و ئیستە منیش دەکوژریم ، وشک بووبووم و نەمدەزانی چ بکەم  تلیکەم لە خۆ دا و سەرم بەرزکردەوە،  لە دەرەوی سەنگەرەکە ،  پاسدارێکی زڵی ڕیشن لولەی تفنگەکەی گرتبووە ناو سەنگەرەکەمان، هەردوو چاوم لە ترسانا بەست، بێ ئاگا دەستم نا بە سەر پەلەپیتکەکەدا و شریخەی ڕێژنەی گولە  بەرزەوە بوو، دەنگی پێکەنین و گەرمە، گەرمی  پاسدار کە پێشتر بە سەر سەرمانەوە وەستابوو، نەما ، نەم دەویرا چاوم کەمەوە ، پێم وابوو کوژراوم ، دەڵم بۆ خۆم و ئەمین ئەسووتا ، کە چۆن ئاوا بە جوانی مردین و خۆشیمان نەدی، ئەری حەتم منیش وەک ئەمین کوژراوم، بۆیە هیچ کۆیم نائیشیت ، شایەتیش نەکوژرابیتم و من ئەوەم کوشتبیت، تۆ بڵیت من کەسێکم کوشتبیت! چاوم کڕدەوە و بینیم ڵاشەی ئەمین هەروا لەولاوە  کەوتوە و بێ دەنگ ، دەنگ و  وەزەی  فیشک  کەم بووەتەوە ! سەرم بەرزکردەوە و لە لیواری چاڵەسەنگەرەوە چاوم بە چەن سەرباز و پاسدار کەوت کە خەریکبون بەرەو خۆارەوەی تەپۆڵکەکە ، روو لە پادەگان بە تەلدان دوور دەکەوتنەوە، ژ٣ کەم تێان گرت ، دەنگێکی لیوە نەهات ، ئەها فیشەکی تیا نەماوە ، خێرا ، خەشابەکەم گۆڕی و دەستم بە تەقەکردن ڵیان کڕد ، بەلام ئیدی بی سەمەر بوو، چونکو ئەوان گەلیک دوور کەوتبوونەوە ، دەنگی جنیو دان و هەراوهوریای رەفیقەکانم  لە سەنگەرەکانی کەوە هاتە گۆی ، پاسدارەکان پاشەکشی ئەکەن ، نەیانتوانێ سەنگەرکانمان بگرن ، لە خۆشیا کە نەکوژراوم و ئەوان تێ شکاون ، تەواوی خەشابەکەم روو لە پادەگان کە  بەرەو ئەوی لە هەڵهاتندا  بوون خاڵی کردەوەو، بەپشتا کەوتمە ناو سەنگەرەکەبە سەر لاشەی ئەمینا ، چریکەی ئاخێ بەرزەوە بوو، لە خۆشیان و بۆئەوەی جارێکی کە دەنگی ئاخ و ئوخێ بەبیستم و بووم دەرکەویت زیندوە ، یەکێکم تی هەلا، لە عەزرەت ئیشا قیژاندی و بە دەم ئاخ و ناڵەوە وتی بۆ وها ئەکەی، باوشم پیا کڕد، ماچی کەم ، قیژاندی ، " باشە، باشە ، بێ هۆش بوویت سەرزەل ! وامزانی شەهید بوویت!"  هەڵم گەڕاندەوە و ئەم جار دەمتوانی دەمووچاوی  چڵکاوی کە دڵۆپ دڵٶپ قوراوی بە دەم ئارقکرنەکەیەوە دڕژا خوارەوە بەبینم ، بە ئیشارەت هاواری لای چەپی ئەکڕد ، لە ژیر قۆڵیەوە ، خوێن دەهاتە خوارەوەو، دەنگی فەرماندەکەمان کاک حسین دەهات : " کەسیک بریندار بووە ؟"  " کا حسین! لیرە ، ئەمین بریندارە!" بە دەنگی بەرز وەڵامم داوە.  دوای دوو دەقە کاحسین پڕیە ناو سەنگەرەکەمان، بە چەقۆیەک قۆڵی کەراسەکەی  ئەمینی بڕی ، ئەمین ڵە تاو ئیش هاواری ئەکرد، خوێن فیشقەی کردە دەرەوە و لیباس و دەسووپل  کا حسین خوێناوی بوو، دستمالیکی لە گیرفانا درهێنا و نای بە سەرزەخمەکەی شانیەوە و بە منی وت "ئاوا موحکەم رایی گرە با خوێنی لێ نەچێت ، من ئەڕۆم کەس بینم بۆ یارمەتی "، ئەوەی وت و خێرا ڕٶیشت ، گوێم لێ بوو بانگی سەنگەرەکانی دیکەی دەکرد و دەی وت ،" کاکە بەسە ! ئیتر کەس تەقە نەکات ، دوژمن پاشەکی کردوە و پێویست ناکا ، فیشکەکانتان لە خەسار بەن!"  دەستیکم بە دەستمالەکەوە بوو و سەرشان ئەمینم پی گرتبوو کە بەربەستی خوێنڕشتنەکە بیت و دەستەکەی ترم بە چەکەکەمەوە بوو، ئارق بەربینای چاومی گرتبوو و نەم دەویرا هیشتا چەکەکە دانیم و دەموچاوم پاک کەمەوە، بە هەر جۆریک بوو بە قۆلی کراسەکەم بەرچاوم پاک کردەوە ، چاوم لێ بوو ئەمینی بە ستەزمان وەزعی لە من شڕتر بوو، ئەو نەتەنیا ئارەق و چەڵک بەر چاوی گڕتبو، بەلکو تاڵەکانی موی سەریشی پێوە نوسابوون ، دەستماڵەکەم  هیواشێک  بەرزەوە کرد، ئیتر لە زەخمەکەی  خوێن نەدەهات و بەربەست بوو بوو، بەلای خاوینی هەمان دەسمال دەموچاویم پاک کردوەوە و بە بزەی لیوی و چاوی سپاسی لیم کڕد و بە سووکیک وتی " بەرینەکەم قورسە ! چ بوو، بۆ بریندار بووم ؟ "هییچ نیە چاک ئەبیتەوە ، ئەمجارە شانست هاورد ، بەلام نابێت ئیتر وهاکەی!" بۆ چێم کرد؟"، بە پیکەنینەوە وڵامم دایەوە  " چت کرد! بۆ نازانێ ! ئەری ، ئەری جا چۆن بزانیت، ئەتوو، هەتیوە سەرزەلە ! ئاگات لە خۆت نەبوو، هەرچێ هاوارم کڕد ، دانیشە ناو سەنگەرەکەت ، بێ سەمەر بوو ، بەپاوە تەقەت ئەکرد،  ئەشی شۆکر بیت ، وەک بیژنگ کون کونتیان نەکرد، پاسدارەکان ڵە دوو میترێ تۆ بوون  و تۆ دەتقیراند و گولەبارانیانت ئەکرد ".

" یانی ، کوشتیانم ، تەفروتونایانم کرد؟" ئەری بی گومان، زۆر بە جەرگ بۆیت، ئەگەریش نەکوژرابن، حەتم  برینار بوون ! کەس بەم دووروبەرا نەماوە ، حەتم لاشەکانیان بەرەو پادەگان کیشاوەتە خۆاروەوەو ، دیاربوو ، ئەوانیش  ترسابوون ، چۆن زۆر نەمانوو و زوو پاشەکشەیان کرد." بزە کەوتە  سەرلیوی و چاوەکانی لە خۆشیا دەدروشانەوە ، تەکانیکی لە  خۆدا ، گەرەکی بوو هەستیتە سەرپێ ، لە بیری چوبوەوە کە بریندارە ، ناوچاوی دیسان ڵە تاو ئیش و ئازارا گرژ بوو و وتی " ئاخ تۆ بڵیت برینەکەم کاریە! و دەستمالی بەرینپیچانەوە  هێنا ، برینەکەی ئەمینیان تیمارو باندپیچیان کڕد و ڵە گەڵ خۆیان بردیان بەرەو نەخۆشخانەی ناو شار. کا حسین روو لە من پرسیاری کڕد: "تۆ خۆت وەزعت چوونە ؟ ئەتووانی یەک ، دوو سەعاتتر بەتەنیا بمینێتەوە تاکۆ دەستە یەکێ تر دین ؟  بەڵی ئەتوانم ، بەڵام فیشەکم گەرەکە ، فیشەکم پێ نەماوە!" بە ناباورییەکی پرسیارئامێزەوە سەیرمی کرد و وتی:"  هێچت پێ نەماوە ، تەواو خەشابەکانت خالیە؟"تەنیا ئەم خەشابەی سەر تفنگەکەم هەیە !" باشە ! ئیسە فیشەکت بە کەسێکا بۆ ئەنیرم !".

زۆری پێ نەچوو، دوو منداڵ بە کیسەیەک پڕ لە فیشک و بابووڵەیەک نان و کولایك گەیشتنە سەنگەرەکەم، هەرچەندە تێنوووبرسیم بوو، فیشەکەکانم جیا کردەوە و خریک پڕ کردنەوەی فیشکدانەکەم بووم . یەکێک لە منداڵەکان وتی کاکە تۆ نانەکەت بە ئیسراحەت بخۆ من خەشابەکانت بۆ پڕ ئەکەمەوە !" بە ناباوریەوە سەیریانم کرد ، زۆر منداڵ بوون ، پرسیم لێ،" چەن ساڵتە؟ "سێزدە ساڵمە".  بە ناباوڕیەوە سەرم بۆ لەقاندو وتم: " باشە کاکە گیان ! ئەتوانی پێم بڵیت ، لیرە چێ ئەکەیت ، ئەزانی تۆ ئیستا ئەشێ لە لای دایک وباوکت و لە ئوردووگا ببووایت! ئیسە رەنگە بە دووتا بگەڕین !" بە روخسارێکی خۆ بە حەقزان، هڕدوو دەستی نایە کەلەکەی  و وتی" بۆ هەمووتان پێتان وایە ئێمە مندالێن ؟ باوکم خۆی ئیزنمی داوە، یارمەتی پێشمەرگەکان بدەم! کەچێ  کۆمەڵەکان چەکیشیان نەدا پێم ، ئەو هەمووە کاریشم بۆ کومەلە  کردەوە".

" ئەزانی یەکێک لە شەرتەکان کومەلە بوون ئەویە درۆ نەکەیت!  " سوور هەڵگەرا و تریقەوە بوو سەری داخست و لە بەرخۆیەوە منگەمنگی دەهات، لێ تینەکەیشتم ، لە دریژەی قسەکەما "  باشە برا گیان ! من گەرەکم نەبوو پێت بێژم درۆزنی ! بەڵام ئاخر ئەشێ خۆیشت بزانی، هیچ باوک و دایکێک حەز ناکات گیان منالەکانی بخاتە خەتەر!  لە شەریشا شیرینی بڵاو ناکەنەوە ، کوشتن و... بەدواوەیە". سەرێ هەڵبری وتی " نە نەیان وت چەک هەلگرم ، بەلام ئەزانن، خەریک کۆکردنەوەی نان و خۆراک بۆ پێشمەرگەکانم !"  بە رووخۆشیەوە دەستم دا بە سەرشانیا و وتم " ئەزانم خۆ ئێوە هەر دووکتان لایەنگر کومەلەن  و هەر بۆیە هاتون بۆ ئێرە ! باشە من نانەکەم ئەخۆم ، خەشابەکانم پڕ کەرەوە.

بەدەم نان خواردنەوە لێانم پرسێ : "لە وەخت تەقە زۆرەکا  لێرە بوون یا لە ناو شارا"؟  هەردووکیان پێکەوە وتیان لیرە بووین، پلەپەل هەرکامەیان دەیویست خۆی باسی رووداوە کات بە هەیەجانەوە دەیان وت ئاخ چوون گۆلە لە هەموو لایکەوە ئەباری ...." ئاوا بە یەکەوە و بێکریننوو، تێناگەم ، بە نۆبە بێ گەرینەبوو..." " تووخوا با من بیگەڕینمەوە ،  تۆ خەشابەکان پڕ کەرەوە!   " باشە !" ئەوەیان وا رەنگە ساڵێک پچووکتر بوو دەستی بە گەڕانەوە کرد:" ئەزانی چۆن بوو !  کارمان ئەوە بوو ، لە بنکەوە نان و ئاومان ئەهێنا بۆ سەنگەرەکان، لە وەخت تۆپبارانەکا ئا لەو خۆارەوە بووین ( بە دەست پەنجا، شەس مەتریک  سەنگەرەکان لای راستی پیشان دەدا)  لە بن بەردیکا خۆمان حەشار دا تاکۆ تۆپباران تەواو بوو ، لە بن بەردەکە هاتینە دەرەوەو کە نان و چایەکە بەگەینن بەو سەنگەرە ، هیشتا نەگەیشتبووین بەو سەنگەرەی کە کاک .... تیا بوو،  گوللە ویزەویز لە هەموو لایەکەوە بەسەرمانا دەباری ( بە هەر دوو دەستی پیشانی دەدا کە چۆن گوللەکان بە سەریانا و بن گوێدا دەچوون )  پێشمەرگەکان قیراندیان بە سەرمانا، هاواریان ئەکرد ، خۆتان بەن بە عەرزا، راکشین، مەجووڵین ، ئێمەیش خۆمان دا بە عەرزا ، ئەوان دەسڕێژیان لە پاسدارەکان کرد ، ئێمەیش ، خشە خش ، بە سینەخێز خۆمان گەیاندە ناو ئەو چاڵەسەنگەرە ( بە پەنجە ئیشارەی بۆ چوار سەنگەر لە خوارەوە کرد) تەقە زۆر بوو، من لە تاو ویرە وێر و وێزەویز فیشەکا گویچکەم کپ بووبوو، جا ئەوە خۆش بوو ، یەکێک لە پێشمەرگەکان هاواری کرد، ئەو خۆیڕیانە خەریکن هەڵدین ، مۆلەتیان پێ مەدەن دەرچن، بێاندەنە بەر دەسرێژ، ( بە پیکەنین و هەیجانەوە دەستی رادەوشان و دەیگوت)  لە لێوارەی سەنگەرەکەوە تەماشام کڕد پاسدارەکان بە تڵ بە رەو خوار هەڵئەهاتن و کەلاکەکانیان بە شوێن خۆیانا ئەکێشا، هورام کرد، ( کە کاتێکا دەستی کردبوو بە چەپڵەلێدان ) دەی وت ئێمە ! پێشمەرگە ! ئەو خوێریانەی بەزان و دەرچوون. "هەهە ههه !  وا ئیژیت ئەوانمان بەزان ، ئیژیتە خۆی بووە و پاسدارەکان لە ترس ئەوا هەڵاتن ،  کورە خۆ تۆ لە ترسا گمێزت بە خۆتا کرد، شڵوارەکەت تڕ بوو و ئاوی لێ ئەچکا". خەشابەکەی  پڕ کردبوووئاوا تانەی لە ڕفیقەکەی ئەدا، ئەویش بە غەزەبەوە تەماشایی ئەکردو لە دوورەوە مشتێکی بۆ هەنارد و بە تووڕەیەوە وتی : " درۆزن ، درۆ ئەکات، باوەر کە درۆ ئەکات ، ئەوە فلاکس چاکەبوو، شکا، تەواو چایەکە  رەژا بە  پانتوڵەکەما، (بەلانەوە چەن جار لە سەریەک وتی ) باوەڕ کە نەترسام!"

     

کۆتایی بەشی چوار

© 2023 by Franklin Day School. Proudly created with Wix.com

  • Kak Foad Facebook
  • Foad Mostafa-Sultani youtube