بۆ کاک فوئاد

September 1, 2018

 

به‌ كوێدا هاتیت

«رەفێق سابیر»

به‌م نیوه‌شه‌وه‌ له‌ كوێوه‌ هاتیت 
چۆن گه‌ردی‌ دیلیت له‌ خۆت ته‌كاند ‌و 
ئێوارانێكی‌ ته‌ماوی‌ زستان 
وه‌ك خۆر هه‌ڵهاتیت؟

سه‌هۆڵبه‌ندان بوو. . به‌ كوێدا هاتیت ؟ 
ئاگرباران بوو. . به‌ كوێدا هاتیت 
كوردستان تژی‌ سه‌گی‌ بێگانه ‌‌و 
نوقمی‌ تاوان بوو 
به‌ كوێدا هاتیت 
چۆن له‌ هه‌رێمی‌ گه‌له‌گورگدا 
به‌ شارستانی ‌‌و 
لاوك راهاتیت؟ 
به‌ كوێدا هاتیت ؟

له‌به‌ر هه‌ره‌سی‌ ئه‌م بارانه‌دا 
تۆی‌ نوقمی‌ خه‌ون، په‌لكه‌زێڕینه‌یت 
یان تاڤگه‌ی‌ هه‌ڵم 
له‌ سه‌فه‌ربه‌ر ‌و 
له‌ژێر كه‌لاوه‌ی‌ ئه‌م وه‌رزانه‌دا 
روخساری‌ ئاسۆیت 
یان گوڵه‌گه‌نم؟

له‌ به‌یانێكی‌ داگیركراودا 
ئێمه‌ له‌گه‌ڵ تۆ راده‌بینه‌وه‌ 
له‌ خه‌ونه‌كانتا روخساری‌ ونمان ده‌دۆزینه‌وه‌ 
به‌ خۆشه‌‌ویستی ‌‌و 
په‌لكه‌زێڕینه‌‌ و 
لاوك ‌و 
راستی‌ 
كوردستانی‌ دیل ده‌ته‌نینه‌وه‌. 
ئێمه‌ له‌گه‌ڵ تۆ راده‌بینه‌وه‌.

 

Share on Facebook
Share on Twitter
Please reload

آرشیو
Please reload

تاگەکان

© 2023 by Franklin Day School. Proudly created with Wix.com

  • Kak Foad Facebook
  • Foad Mostafa-Sultani youtube