كاك فواد زیندووه‌

 

 

 

 

 

 

له‌ هه‌ر كوێی ئه‌م وڵاته‌ داڵه‌كانی سه‌رمه‌ستی سته‌م

سه‌لاخانی پێ په‌تیو قاچ خوێناوی

چه‌په‌چاخیان پێیه‌و مه‌مكی كچان ده‌برن

هه‌ركامه‌و دوو چه‌قۆ له‌ باخه‌ڵیدا

لێوی ماچی پێ ده‌برن

ئاسكی ناسك له‌ سه‌ر كۆته‌ی گه‌وره‌ قه‌ڵخ ده‌كه‌ن

به‌ قه‌ناره‌كانی قه‌سابخانه‌ی شاری داده‌كه‌ن

نانی سفران ده‌دزنوو به‌ ئاره‌قه‌و خوێنی ده‌ده‌ن

ده‌نگێكی زووڵاڵ كه‌ گه‌رووی وریا بوونه‌وه‌

قامكێك به‌ ئیشاره‌تی رێباز و

ده‌ستێكی گه‌رمی دڵداری و پشتیوانی و

خه‌رمانێك له‌ وره‌و و متمانه‌یی و بانگه‌وازی سووری شۆرشێكی ئاگرین

دێته‌ مه‌یدان و ره‌مزێكه‌ ناوی كاك فواد.

له‌ ئاڵمانه‌وه‌

له‌ ئاسمانی ئاڵمانه‌وه‌

ئه‌ستێره‌یه‌ك یاخی له‌ قه‌ترانه‌ شه‌وی چاو چاو نه‌دین

شه‌وی دووله‌ت كرد

توند و دڵنیا

گه‌یشته‌ تاڵه‌ سواره‌وه‌

ئاسمانێك ئه‌ستێره‌ی لێ كه‌وته‌وه‌

له‌ ئاڵمانه‌وه‌،قه‌قنه‌سێك هه‌ستا

ئه‌فسانه‌یه‌ك ره‌خسا

به‌ دارستان و لێره‌وانی و

به‌ سه‌ر لووتكه‌و زرێبار و

مه‌ریوان و سنه‌ و كامیاران و گشت كوردستانا گه‌را

پۆڵ پۆڵ قه‌قنه‌س و شۆرشی سینه‌ سافانی ئه‌م عه‌سره‌ی لێكه‌وته‌وه‌

له‌ ئاڵمانه‌وه‌ له‌ نێوان دوو كێوی چاوه‌روانه‌وه‌

رۆله‌یه‌ك هه‌ستا، ئه‌ندێشه‌یه‌ك پاراوت

راسانی هه‌زاران رۆڵه‌ی میله‌تێكی لێ كه‌وته‌وه‌

وه‌ره‌ق وه‌ره‌ق، ره‌سته‌ ره‌سته‌ی مێژوویه‌كی رازانده‌وه‌

كاك فواد هه‌ر زیندووه‌

له‌م دیوی سه‌خڵه‌تی زستانه‌وه‌

له‌ جه‌زره‌به‌ی زیندانه‌وه‌

به‌ نێو به‌فری پشتوێنه‌دا

بۆرانی سه‌ر شێت و بێ ره‌حمیا

له‌ شه‌وگارانی نانی بایی خوێن و

فرمێسك هه‌رزانیا

تا ساڵی ته‌واو خۆره‌كانی و كه‌سكه‌ی به‌هارییه‌

تا وه‌رزی خه‌رمانان و خه‌نده‌ی ئینسانیا

ره‌چه‌ی شكاندوو رێبازی دانا

كاروانی یاری كرده‌وه‌

بۆیه‌ ده‌لێن

كاك فوادهه‌ر زیندووه‌

نه‌سه‌روتووه‌، نه‌سره‌وتووه‌ 

 

Share on Facebook
Share on Twitter
Please reload

آرشیو
Please reload

تاگەکان

© 2023 by Franklin Day School. Proudly created with Wix.com

  • Kak Foad Facebook
  • Foad Mostafa-Sultani youtube